सीईटी सेलकडून सूचना: अर्ज भरण्यासाठी'अपार ID' बंधणकारक

एज्युवार्ता न्यूज नेटवर्क 

शैक्षणिक वर्ष २०२६ साठीच्या (Academic year 2026) सीईटी परीक्षांची ऑनलाइन अर्ज (Online application for CET exams) प्रक्रिया लवकरच राज्य सीईटी सेलच्या अधिकृत वेबसाइटवर सुरू होणार आहे.  त्यापूर्वी महाराष्ट्र राज्य सामाईक प्रवेश परीक्षा (Maharashtra State Common Entrance Examination) कक्षाने (सीईटी सेल) विद्यार्थ्यांसाठी काही सूचना जाहीर केल्या आहेत.  सीईटीने २०२६ पासून परीक्षेसाठी आधार आणि ऑटोमेटेड परमनंट अकॅडमिक अकाउंट रजिस्ट्री अर्थात 'अपार आयडी' अनिवार्य ('Aadhaar ID' is mandatory)केला आहे. त्यामुळे विद्यार्थ्यांना याची थोडीशी काळजी घ्यावी लागणार आहे.

हेही वाचा - 'परीक्षा पे चर्चा' उपक्रमासाठी राज्याला ६५ विद्यार्थ्यांचे लाखांचे टार्गेट, नोंदणी मात्र ३ लाख

विद्यार्थ्यांना प्रवेश परीक्षांच्या अर्ज भरताना कागदपत्रांच्या अडचणी येऊ नयेत म्हणून, सीईटी सेलमार्फत आवश्यक कागदपत्रांची माहिती देण्यात आली आहे. अर्जासाठी उमेदवारांकडे आधारकार्ड असणे आवश्यक आहे. तसेच, आधारकार्डवरील माहिती जसे की नाव, दहावीच्या प्रमाणपत्राप्रमाणे जन्मतारीख, नवीनतम छायाचित्र, पत्ता, वडिलांचे नाव आणि आधारशी जोडलेला मोबाइल नंबर चालू असणे आवश्यक आहे.

आधार व्यतिरिक्त उमेदवारांना त्यांचा 'अपार' आयडी तयार करावा लागणार आहे. कारण तो नोंदणी प्रक्रियेसाठी आवश्यक असेल. 'अपार' २०२६ साठी सीईटी अर्ज करणाऱ्या सर्व उमेदवारांसाठी अनिवार्य असेल, दिव्यांग उमेदवारांसाठी, सक्षम प्राधिकरणाने जारी केलेले दिव्यांग प्रमाणपत्र किंवा युनिक दिव्यांग आयडी कार्ड अपलोड करणे अनिवार्य आहे. त्यामुळे दिव्यांग उमेदवारांना हे कार्ड मिळवावे लागणार आहे, असे सीईटी सेलने स्पष्ट केले आहे.  

शैक्षणिक वर्ष २०२६-२७ पासून एमएचटी-सीईटी ही प्रवेश परीक्षा वर्षातून दोनदा आयोजित केली जाणार. या बदलामुळे विद्यार्थ्यांना परीक्षेला बसण्यासाठी अधिक संधी उपलब्ध होईल. यासह सीईटी सेलमार्फत सुमारे ३५ पदवी व पदव्युत्तर अभ्यासक्रमांच्या प्रवेश परीक्षा घेतल्या जाणार आहेत. या सर्व अभ्यासक्रमांची अर्जप्रक्रिया लवकरच सुरू होईल. विद्यार्थ्यांना ही कागदपत्रे तयार ठेवण्यासह अपार आयडी काढावा लागणार असल्याचे सीईटी सेलने स्पष्ट केले आहे.