प्रत्येक परीक्षा हॉलमध्ये सीसीटीव्ही कॅमेरे बसवणार; सीबीएसईचा मोठा निर्णय

एज्युवार्ता न्यूज नेटवर्क

सेंट्रल बोर्ड ऑफ सेकंडरी एज्युकेशनने (CBSE) २०२५ वर्षापासून परीक्षा केंद्रे (Examination Centres) आणि वर्गखोल्यांमध्ये व्हिडिओ रेकॉर्डिंग परीक्षा घेण्याचा प्रस्ताव दिला आहे. यावर्षी जूनमध्ये झालेल्या नियामक मंडळाच्या बैठकीत सीबीएसईचे चेअरमन राहुल सिंग (CBSE Chairman Rahul Singh) यांनी उमेदवार परीक्षा देत असलेल्या प्रत्येक खोलीत सीसीटीव्ही कॅमेरा बसवण्याची (Installation of CCTV Cameras) आवश्यकता असल्याचे म्हटले आहे. 

“ परीक्षा केंद्रांवर गडबड होण्याचा धोका विचारात घेऊन आणि कोणीही परीक्षा खराब करू नये. परीक्षेदरम्यानची वस्तूस्थिती त्याचवेळी, ग्राउंडवरून रिअल-टाइम फीडबॅक परीक्षेचे योग्य पद्धतीने व्यवस्थापन करण्यासाठी आवश्यक इनपुट देते म्हणूनच सीसीटीव्ही कॅमेरे महत्वाचे आहेत.

आयटी-आधारित तंत्रज्ञान, परीक्षा प्रक्रियेतील सुधारणा आणि व्यवस्थापनासाठी सखोल मूल्यांकन केले जाऊ शकते आणि हे सीसीटीव्ही फुटेजच्या मदतीने शक्य आहे, अशीही या बैठकीत चर्चा झाली आहे. तसेच परीक्षा झाल्यानंतर दिवसाच्या शेवटी, या रेकॉर्डिंग सीबीएसई पोर्टलवर फीडबॅक आणि टिप्पण्यांसह अपलोड केल्या जाऊ शकतात.

सुरुवातीला प्रायोगिक प्रकल्प म्हणून प्रदेशातील किमान 30% केंद्रांवर ऑनबोर्ड केली जाऊ शकतात आणि नंतर ती सर्व केंद्रांवर वाढवली जाऊ शकतात. तसेच पुढील वापरासाठी हा डेटा सीबीएससीकडे (CBSE) संग्रहित केला जाईल. तसेच या बैठकीत सांगितल्याप्रमाणे एक रेपॉजिटरी डेटा बँक तयार करण्याचा प्रस्ताव आहे. जिथे सर्व परीक्षा केंद्र प्रत्येक परीक्षेच्या दिवसासाठी सीसीटीव्ही रेकॉर्डिंग त्यांच्या केंद्रावर दिलेल्या वेबलिंकद्वारे सबमिट करतील.

दरम्यान, सीबीएसईने शाळांना सीसीटीव्ही कॅमेरे बसवण्याचे निर्देश दिले आहेत. जर त्यांच्याकडे वर्गखोल्यांमध्ये आधीच सुविधा नसेल. त्या शाळांना आर्थिक भार भरून काढण्यासाठीचा आंशिक खर्च CBSE द्वारे भागवला जाईल, असेही सांगितले आहे. तसेच शाळांना मदत करण्यासाठी आवश्यक निधीचे प्रमाण ठरवण्यासाठी एक उपसमिती स्थापन करण्याचा निर्णय घेण्यात आला आहे.

पायाभूत सुविधांची आवश्यकता, अंमलबजावणी, आयटी प्रणालीची प्रभावीता आणि शाळांमधून गोळा केलेला डेटा हाताळण्यासाठी तपशीलवार अभ्यास आणि मूल्यांकन करण्यासाठी एक समितीही स्थापन करण्याचा सीबीएसईचा विचार आहे.