अर्हम फाऊंडेशनचे अध्यक्ष डॉ. शैलेश पगारिया यांना 'कौशल्य पुरस्कार' प्रदान
अर्हम फाऊंडेशनच्या माध्यमातून शिक्षणासोबत चारित्र्य घडवण्याचे कार्य करणाऱ्या डॉ. शैलेश पगारिया यांच्या या सन्मानामुळे संपूर्ण पुणे शहरातील जैन समाजात आनंदाचे वातावरण आहे.
Eduvarta
एज्युवार्ता न्यूज नेटवर्क
पुण्यातील अर्हम फाऊंडेशनचे अध्यक्ष डॉ. शैलेशजी खुशालचंद पगारिया यांना शैक्षणिक क्षेत्रातील उल्लेखनीय कार्याबद्दल नुकताच 'कौशल्य पुरस्कार' प्रदान करण्यात आला.
नाशिक येथील जैन श्वेतांबर स्थानकवासी श्रीसंघातर्फे आयोजित व प.पू. श्री प्रीतिसुधाजी शिक्षण फंड संचालित शिष्यवृत्ती, शैक्षणिक आणि कौशल्य पुरस्कार प्रदान समारंभ मोठ्या उत्साहात संपन्न झाला. या समारंभात डॉ. शैलेश पगारिया यांचा विशेष सन्मान करण्यात आला. हा पुरस्कार मातोश्री कौशल्याबाई मोहनलालजी बलदोटा यांच्या स्मृतीप्रीत्यर्थ देण्यात आला. पुरस्काराचे वितरण मालेगाव एम बी शुगर्स ऑण्ड फार्मासिटीकल्सचे चेअरमन विजयकुमार लोढा यांच्या हस्ते डॉ. कन्हैयालालजी, सचिन-समीर बलदोटा परिवार यांच्या वतीने करण्यात आले. कार्यक्रमाच्या अध्यक्षस्थानी संघ शिरोमणी संघपती मंगलचंदजी साखला, उपाध्यक्ष श्री. मोहनलालजी ब्रह्मेचा, श्री. शंकरलालजी गांग , सेक्रेटरी जवरीलालजी भंडारी, खजिनदार ललितजी मोदी यांच्यासह संघाचे विश्वस्त, पदाधिकारी आणि मान्यवर मोठ्या संख्येने उपस्थित होते.
प.पू. श्री प्रीतिसुधाजी शिक्षण फंडाचे खजिनदार श्री. विजयजी के. बेदमुथा यांच्या विशेष सहकार्याने हा कार्यक्रम पार पडला. तसेच चातुर्मास कमिटी २०२६ चे अध्यक्ष निरजजी बोथरा व स्वागताध्यक्ष सुरजजी मुनोत यांचीही उपस्थिती होती. प.पू. श्री प्रीतिसुधाजी शिक्षण फंड गेली ४८ वर्षे जैन ओसवाल समाजातील आर्थिकदृष्ट्या दुर्बल विद्यार्थ्यांच्या शैक्षणिक प्रगतीसाठी कार्यरत आहे. दरवर्षी गुणवंत विद्यार्थ्यांना शिष्यवृत्ती दिली जाते आणि विविध क्षेत्रात उल्लेखनीय कार्य करणाऱ्या संस्थाप्रमुखांना 'कौशल्य पुरस्कार' देऊन गौरविण्यात येते. आयंबिल तपाराधिका, स्वर्ण संघ आराधिका महासतीजी प.पू. डॉ. पुनीतज्योतिजी म.सा. यांच्या मार्गदर्शनाखाली हा कार्यक्रम झाला. अर्हम फाऊंडेशनच्या माध्यमातून शिक्षणासोबत चारित्र्य घडवण्याचे कार्य करणाऱ्या डॉ. शैलेश पगारिया यांच्या या सन्मानामुळे संपूर्ण पुणे शहरातील जैन समाजात आनंदाचे वातावरण आहे. यावेळी अर्हम फौंडेशनचे खजिनदार श्रीकांत पगारिया, ट्रस्टी स्वराज पगारिया, राजश्री पगारिया, प्रीती पगारिया, रुषांग पगारिया, पंकज साखला यांच्यासह पुणे येथील मान्यवर उपस्थित होते.
