कॅट परीक्षेसाठी अर्ज प्रक्रिया सुरू; अर्ज आणि शुल्कात मोठे बदल
CAT २०२६ साठी अर्ज करण्यास पात्र उमेदवारांना मान्यताप्राप्त विद्यापीठातून पदवीधर असणे आवश्यक आहे. जनरल, EWS आणि OBC प्रवर्गातील उमेदवारांसाठी किमान ५० टक्के गुण किंवा समकक्ष ग्रेड आवश्यक असून, SC, ST आणि दिव्यांग (PwD) उमेदवारांसाठी हा निकष ४५ टक्के इतका ठेवण्यात आला आहे.
Eduvarta
एज्युवार्ता न्यूज नेटवर्क
इंडियन इन्स्टिट्यूट ऑफ (Indian Institute) मॅनेजमेंट (IIM) इंदूरने कॉमन एडमिशन टेस्ट (CAT) २०२६ साठी नोंदणी प्रक्रिया सुरू (Registration process begins) केली आहे. इच्छुक उमेदवार अधिकृत वेबसाइटवर ऑनलाइन अर्ज करू शकतात. यंदा अर्ज आणि परीक्षा शुल्कात लक्षणीय बदल (Significant changes in fees) करण्यात आले असून, उमेदवारांना शेवटच्या क्षणी अडचणी येऊ नयेत म्हणून वेळेत अर्ज पूर्ण करण्याचा सल्ला देण्यात आला आहे. अर्ज करण्याची अंतिम तारीख १५ सप्टेंबर (Deadline: September 15) २०२६ रोजी संध्याकाळी ५ वाजेपर्यंत आहे.
CAT २०२६ साठी अर्ज करण्यास पात्र उमेदवारांना मान्यताप्राप्त विद्यापीठातून पदवीधर असणे आवश्यक आहे. जनरल, EWS आणि OBC प्रवर्गातील उमेदवारांसाठी किमान ५० टक्के गुण किंवा समकक्ष ग्रेड आवश्यक असून, SC, ST आणि दिव्यांग (PwD) उमेदवारांसाठी हा निकष ४५ टक्के इतका ठेवण्यात आला आहे. पदवीच्या अंतिम वर्षात असलेले किंवा निकालाची प्रतीक्षा करणारे विद्यार्थी तसेच CA, CS, CMA किंवा ICWAI सारख्या व्यावसायिक पदव्यधारी उमेदवार देखील अर्ज करण्यास पात्र आहेत.
यावर्षी अर्ज शुल्कात मोठी वाढ करण्यात आली आहे. जनरल, EWS आणि OBC प्रवर्गातील उमेदवारांना २७०० रुपये तर SC, ST आणि PwD उमेदवारांना १३५० रुपये शुल्क भरावे लागणार आहे. हे शुल्क फक्त एकदाच भरावे लागेल, ज्यामुळे उमेदवार कितीही IIM कार्यक्रमांची निवड करू शकतील. अधिकृत सूत्रांनी सांगितले की, तांत्रिक अडचणी टाळण्यासाठी उमेदवारांनी शेवटच्या दिवसाची वाट न बघता लवकरात लवकर अर्ज प्रक्रिया पूर्ण करावी.
CAT २०२६ परीक्षा २९ नोव्हेंबर २०२६ रोजी संगणक आधारित (CBT) पद्धतीने घेण्यात येणार आहे. ही परीक्षा देशातील सुमारे १७० शहरांमध्ये तीन शिफ्टमध्ये आयोजित केली जाईल. अर्ज करताना उमेदवारांना पसंतीची पाच परीक्षा केंद्रे निवडावी लागतील. निवडलेल्या शहरांमध्ये जागा नसल्यास जवळचे उपलब्ध शहर आयोगाकडून allot केले जाईल.
CAT २०२६ चे प्रवेशपत्र ४ नोव्हेंबर २०२६ पासून डाउनलोड करता येईल. निकाल जानेवारी २०२७ च्या पहिल्या आठवड्यात जाहीर होण्याची शक्यता आहे. CAT स्कोअर ३१ डिसेंबर २०२७ पर्यंत वैध राहील. या स्कोअरच्या आधारे IIMs सह देशातील अनेक नामांकित व्यवस्थापन संस्थांमध्ये प्रवेश प्रक्रिया राबवली जाईल. उमेदवारांनी अधिकृत वेबसाइट नियमित तपासून अद्ययावत माहिती घ्यावी, असे आवाहन IIM इंदूरने केले आहे.
