SPPU NEWS: परीक्षा विभागाच्या विरोधात अभाविपचे 'निद्रानाश' आंदोलन

एज्युवार्ता न्यूज नेटवर्क  

 जून महिन्यामध्ये BA, LLB द्वितीय सत्राच्या परीक्षा (Second semister exams) घेण्यात आल्या. या परीक्षांचा निकाल (Result) जुलै महिन्यामध्ये जाहीर झाला मात्र, निकाल जाहीर झाल्यानंतर पुनर्मुल्यांकनाचा निकाल (Result of revaluation) अद्यापही प्रसिध्द करण्यात आयाला नाही. त्यामुळे सावित्रीबाई फुले  पुणे विद्यापीठाच्या (Pune university) परीक्षा विभागाच्या विरोधात अखिल भारतीय विद्यार्थी परिषदेकडून (ABVP) विद्यापीठ परिसरात आंदोलन (agitation) करण्यात आले आहे. द्वितीय सत्राच्या पुनर्मुल्यांकनाचा निकाल न लागल्यामुळे विद्यार्थ्यांना (students) तृतीय सत्राच्या परीक्षेचे अर्ज भरता येणार नाहीत. त्यामुळे विद्यार्थ्यांमध्ये संभ्रमाच वातावरण निर्माण झाले आहे.‌  

या बरोबरच विद्यापीठ प्रशासनाने परीक्षा फॉर्म भरण्याची मुदत बदलल्यानेही विद्यार्थ्यांना त्रास होत असल्याचा विद्यार्थ्यांचा दावा आहे. ज्या विद्यार्थ्यांनी पुनर्मूल्यांकनासाठी अर्ज केलेला आहे. संबंधित विद्यार्थ्यांचा निकाल हा परीक्षा अर्ज भरण्याच्या मुदतीनंतर लागला तर त्यांचे अतिरिक्त भरले शुल्क विद्यार्थ्यांना कधी परत मिळणार? याबाबत विद्यापीठ प्रशासन विद्यार्थ्यांना स्पष्टता देणार आहे का ? असा सवाल विद्यार्थ्यांकडून करण्यात येत आहे.

विद्यार्थ्यांच्या सर्व प्रश्नांना, समस्यांना विद्यापीठ प्रशासनाने गांभीर्याने घेऊन तात्काळ विद्यार्थ्यांचा निकाल जाहीर करावा, या मागणीसाठी अभाविपने आंदोलन केले.तसेच  मागण्या मान्य न झाल्यास आगामी काळात अखिल भारतीय विद्यार्थी परिषदेच्या वतीने अधिक तीव्र स्वरूपाचे आंदोलन करण्यात येईल, असा इशाराही देण्यात आला.