लैंगिक अत्याचाराकडे दुर्लक्ष केल्याने संस्थाचालकाला बेड्या, थेट येरवडा कारागृहात रवानगी
पुण्यातील कर्वेनगर येथील नामांकित शाळेत दोन मुलांवर झालेल्या लैंगिक अत्याचार प्रकरणी संस्थालकाला न्यायालयीन कोठडी सुनावण्यात आली आहे. त्यामुळे पुढील काही दिवस शाळा संस्थाचालकाची रवानगी ही येरवडा जेलमध्ये केली आहे.
eduvarta@gmail.com 
एज्युवार्ता न्यूज नेटवर्क
पुण्यातील कर्वेनगर (Karvenagar School Crime) येथील नामांकित शाळेत 11 वर्षीय मुलांवर झालेल्या लैंगिक अत्याचारांच्या घटनेचे (Sexual assault on a schoolboy) राज्यभर पडसाद उमटत आहेत. या प्रकरणी आता मोठी अपडेत समोर आली आहे. या संपुर्ण प्रकरणाला गांभिर्याने न घेता त्याकडे दुर्लक्ष केल्याचा ठपका ठेवत संस्थालकाला अटक करण्यात आली आहे. त्यानंतर आरोपी संस्थालकाला न्यायालयीन कोठडी (School Director arrested) सुनावण्यात आली आहे. तसेच संस्थाचालकाची रवानगी ही येरवडा कारागृहात करण्यात आली आहे.
शाळेत डान्स टिचरने मुलांवर लैंगिक अत्याचार केल्याची घटना उघडकीस आल्यानंतर पालकांच्या शिष्टमंडळाने पोलीस आयुक्त अमितेशकुमार यांची भेट घेत संस्थाचालकाच्या विरोधातही तक्रार केली. डान्स टीचर बालकांवर लैंगिक अत्याचार करत असताना, संस्थाचालकांनी त्यांची जबाबदारी पार पाडली नाही. त्यामुळे त्यांच्यावरही कारवाई करावी, अशी मागणी पालकांनी केली. त्यानंतर पोलिसांनी संस्थाचालकाला अटक करून न्यायालयात हजर केले. या वेळी न्यायालयाकडून न्यायालयीन कोठडी देण्यात आली.
सरकारी वकिलांची पोलिस कोठडीची मागणी..
आरोपी संस्थाचालकाने डान्स टिचरला वैयक्तिक पातळीवर डान्सचे अतिरिक्त वर्ग घेण्यासाठी कोणत्या अधिकाराखाली परवानगी दिली. तसेच डान्स टिचरची गैरकृत्ये लपविण्याचा अथवा दुर्लक्ष करण्याचा प्रयत्न केला का? दोन वर्षांपासून हा प्रकार सुरू असताना ही गंभीर घटना उघडकीस का आली नाही, त्यामुळे संस्थाचालकांनी त्यांची जबाबदारी पार पाडल्याचे दिसत नाही. तसेच बालकांना चुकीचा स्पर्श करत असल्याचे कॅमेऱ्यात दिसत असतानाही संस्थाचालकाने त्याच्यावर कारवाई का केली नाही?, पीडित बालकांचे समुपदेशन सुरू असताना संस्थाचालकाने त्यांच्यावर दबाव टाकला का?, यासंदर्भात तपास करायचा असल्याने संस्थाचालकाला पोलीस कोठडी देण्याची मागणी केली असल्याची माहिती विशेष सरकारी वकील प्रेमकुमार अगरवाल यांनी दिली.
पोलीस कारवाई
मागील दोनवर्षापासून हा प्रकार सुरू होता. या प्रकरणात पोलिसांकडे तक्रार आल्यास त्वरित कारवाई करण्यात आली. नृत्य शिक्षकाला अटक करण्यात आली, तसेच संस्थाचालकांनी निष्काळजीपणा दाखविल्याप्रकरणी त्यांनाही अटक करण्यात आली, असे पोलीस उपायुक्त संभाजी कदम यांनी सांगितले.
