पुणे पुस्तक महोत्सवात शनिवारी गौतमी पाटील नाचणार का ?
शनिवारी दिनांक 21 डिसेंबर रोजी दुपारी दोन वाजता गौतमी पाटील फर्ग्युसन महाविद्यालयाच्या प्रांगणावर सुरू असलेल्या पुस्तक महोत्सवाच्या ठिकाणी येणार आहे.
eduvarta@gmail.com 
एज्युवार्ता न्यूज नेटवर्क
गेल्या काही दिवसांपासून वाचन प्रेमींसाठी आकर्षणाचा विषय ठरलेल्या पुणे पुस्तक महोत्सवाला (Pune Book Festival)मोठा प्रतिसाद मिळत आहे.त्यातच आता या पुस्तक महोत्सवात गौतमी पाटील (Gautami Patil)उपस्थिती लावणार आहे. शनिवारी दुपारी दोन वाजता गौतमी पाटील फर्ग्युसन महाविद्यालयाच्या (Gautami Patil at Ferguson College) प्रांगणावर सुरू असलेल्या पुस्तक महोत्सवात नाचणार नाही तर ती पुस्तक वाचणार आहे.
गौतमी पाटीलच्या कार्यक्रमाला नेहमीच अलोट गर्दी होते. केवळ तरुण तरुणाईच नाही तर अबाल वृद्धांपर्यंत सर्वच तिच्या कार्यक्रमाला गर्दी करतात. गौतमी पाटील हिचा मोठा चाहता वर्ग आहे. गौतमी पाटीलचे नाव घेतले की तिचे नृत्यविष्कार डोळ्यासमोर उभे राहतात. परंतु, पुणे पुस्तक महोत्सवात हजेरी लावून गौतमी पाटील नाचणार नाही तर पुस्तक वाचणार आहे,असे आयोजकांनी कळविले आहे.
गौतमी पाटील च्या उपस्थितीमुळे पुणे पुस्तक महोत्सवात मोठी गर्दी होण्याची शक्यता आहे. पोलिसांना व आयोजकांना गर्दीवर नियंत्रण ठेवण्यासाठी मोठे कष्ट करावे लागतील,अशी शक्यता व्यक्त केली जात आहे.मात्र, दुपारी फार गर्दी होणार नाही पुस्तक प्रदर्शनाला भेट दिल्यानंतर तिचा सत्कार केला जाणार आहे,असेही आयोजकांनी सांगितले.
