CUET UG परीक्षेचे अद्याप वेळापत्रक नाही; परीक्षा रद्द होणार का?
एनटीएने अद्याप वेळापत्रक किंवा डेटाशीटही जारी केलेले नाही. म्हणूनच ही परीक्षा पुढे ढकलण्याची तयारी सुरू आहे, अशी चर्चा सुरू झाली आहे. मीडिया रिपोर्टनुसार, NTA ने ८ मे ते १ जून या कालावधीत होणाऱ्या CUET-UG, २०२५ परीक्षेचे वेळापत्रकही अद्याप तयार केलेले नाही.
eduvarta@gmail.com 
एज्युवार्ता न्यूज नेटवर्क
विद्यापीठांमध्ये पदवीपूर्व अभ्यासक्रमांच्या प्रवेशासाठी 8 मे पासून सुरू होणारी संगणक-आधारित (CBT) CUET-UG, 2025 परीक्षा पुढे ढकलली जाण्याची शक्यता निर्माण झाली आहे. (CUET-UG, 2025 exam likely to be postponed) दोन दिवसांनी सुरू होणाऱ्या परीक्षेसाठी राष्ट्रीय चाचणी संस्थेची (एनटीए) अद्याप कोणतीही तयारी झालेली दिसत नाही.
एनटीएने अद्याप वेळापत्रक किंवा डेटाशीटही जारी केलेले नाही. म्हणूनच ही परीक्षा पुढे ढकलण्याची तयारी सुरू आहे, अशी चर्चा सुरू झाली आहे. मीडिया रिपोर्टनुसार, NTA ने ८ मे ते १ जून या कालावधीत होणाऱ्या CUET-UG, २०२५ परीक्षेचे वेळापत्रकही अद्याप तयार केलेले नाही.
परीक्षा सुरू होण्यापूर्वी प्रवेशपत्र, परीक्षा केंद्रांची यादी इत्यादींची घोषणा केलेली नाही. त्यामुळे ही परीक्षा ८ मे पासून सुरू होण्याची शक्यता फार कमी आहे. एनटीए लवकरच विद्यार्थ्यांना या संदर्भात अधिसूचना जारी करू शकते.
