'यूपीएससी'द्वारे ड्रग इन्स्पेक्टर पदांसाठी १८६ जागांची भरती; १७ जुलैपर्यंत अर्जाची संधी

एज्युवार्ता न्यूज नेटवर्क

 केंद्रीय लोकसेवा आयोगाने (UPSC) औषध निरीक्षक (Drug Inspector) पदांच्या भरतीसाठी जाहिरात प्रसिद्ध (Advertisement Published) केली आहे. या भरतीद्वारे एकूण १८६ पदे (A total of 186 posts) भरली जाणार आहेत. इच्छुक उमेदवारांना आज शनिवार २७ जून ते १७ जुलै २०२६ रोजी सायंकाळी ६ वाजेपर्यंत ऑनलाइन अर्ज करण्याची संधी उपलब्ध आहे. उमेदवारांना यूपीएससीचे अधिकृत पोर्टल 'वन टाईम रजिस्ट्रशन' (One Time Registration Portal) यावर ऑनलाइन पद्धतीने अर्ज भरावा लागेल.

या भरती मोहिमेअंतर्गत सर्वसाधारण प्रवर्गासाठी -५५, EWS साठी -४१, OBC साठी -३९, SC साठी -३५ आणि ST साठी -१६ पदे राखीव आहेत. याशिवाय -८ पदे दिव्यांग (PwBD) उमेदवारांसाठी आरक्षित ठेवण्यात आली आहेत. उमेदवारांकडे फार्मसी किंवा फार्मास्युटिकल सायन्समधील पदवी किंवा क्लिनिकल फार्माकॉलॉजी अथवा मायक्रोबायोलॉजी विषयातील विशेष प्राविण्यासह वैद्यकीय पदवी असणे आवश्यक आहे. अनुभव असल्यास प्राधान्य दिले जाईल.

वयोमर्यादेच्या बाबतीत सर्वसाधारण आणि EWS उमेदवारांसाठी कमाल ३० वर्षे, OBC साठी ३३ वर्षे तर SC/ST उमेदवारांसाठी ३५ वर्षे निश्चित करण्यात आली आहे. केंद्र सरकारच्या नियमांनुसार आरक्षित प्रवर्गातील उमेदवारांना वयोमर्यादेत सवलत मिळेल. तसेच सर्वसाधारण, OBC आणि EWS उमेदवारांना २५ रुपये अर्ज शुल्क भरावे लागेल. महिला, SC, ST आणि PwBD उमेदवारांना शुल्क माफ करण्यात आले आहे. 

ही भरती औषध नियंत्रण क्षेत्रात करिअर करू इच्छिणाऱ्या तरुणांसाठी सुवर्णसंधी मानली जात आहे. युपीएससीने उमेदवारांना अर्ज करण्यापूर्वी जाहिरात पूर्णपणे वाचण्याचा सल्ला दिला आहे. अधिक माहितीसाठी युपीएससीच्या अधिकृत वेबसाइटला भेट देण्याचे आवाहन करण्यात आले आहे.