अखेर प्रतीक्षा संपली! मुंबई विद्यापीठाकडून उन्हाळी सत्र परीक्षांचे निकाल जाहीर

एज्युवार्ता न्यूज नेटवर्क 

मुंबई विद्यापीठाने (University of Mumbai) उन्हाळी सत्र परीक्षा २०२६ च्या (Summer Session Examination 2026) अनेक अभ्यासक्रमाचे निकाल जाहीर (Results Declared) केली आहेत. एप्रिल-मे महिन्यात घेण्यात आलेल्या परीक्षांचे निकाल अधिकृत वेबसाइट mumresults.in वर उपलब्ध झाले आहेत. इंजिनिअरिंग, कला, वाणिज्य, शिक्षण आणि कायद्याच्या अनेक पदवी व पदव्युत्तर अभ्यासक्रमांचा (Undergraduate and Postgraduate Courses) यात समावेश आहे. विद्यार्थ्यांना या निकाल प्रक्रियेमुळे मोठा दिलासा मिळाला असून, पुढील शिक्षणासाठी मदत होणार आहे.

विद्यापीठाने B.E. विविध शाखा (मेकॅट्रॉनिक्स, ऑटोमोबाईल, सिव्हिल) सेमेस्टर VIII, LL.B. सेमेस्टर VI आणि B.A.M.A. इंटिग्रेटेड कोर्सचे निकाल जाहीर केले. तसेच एम.कॉम., शारीरिक शिक्षण पदव्युत्तर पदवी आणि एम.ई. यांत्रिकी अभियांत्रिकी सारखे निकाल उपलब्ध झाले. त्याचबरोबरबी.ई. आर्टिफिशियल इंटेलिजन्स आणि मशीन लर्निंग, इलेक्ट्रॉनिक्स इंजिनिअरिंग आणि बॅचलर ऑफ फाइन आर्ट्स सारख्या अभ्यासक्रमांचे निकाल घोषित करण्यात आले. त्यामुळे विद्यार्थ्यांमध्ये सध्या आनंदाचे वातावरण आहे.

या निकालांमुळे विशेषतः इंजिनिअरिंगच्या अंतिम वर्षातील विद्यार्थ्यांना मोठा फायदा झाला आहे. मुंबई विद्यापीठाने यंदा डिजिटल प्रक्रिया अधिक वेगवान आणि पारदर्शक केल्याचे दिसून येते. तरीही काही अभ्यासक्रमांचे निकाल अद्याप प्रलंबित आहेत, त्यामुळे विद्यार्थ्यांनी नियमित वेबसाइट तपासणे गरजेचे आहे. विद्यार्थ्यांनी https://www.mumresults.in/ या अधिकृत संकेतस्थळावर जाऊन आपला कोर्स आणि प्रोग्राम कोड निवडावा. नोंदणी क्रमांक किंवा सीट नंबर टाकून निकाल पहाता येईल. मार्कशीट PDF स्वरूपात डाउनलोड करता येते.