अखेर प्रतीक्षा संपली! एसएससी जेई २०२५ चा अंतिम निकाल जाहीर, १७३१ पात्र उमेदवारांची यादी प्रसिद्ध
आयोगाने यापूर्वी ९ जुलै २०२६ रोजी ज्युनियर इंजिनियर परीक्षेसाठी फर्स्ट राउंड ऑफ टेंटेटिव्ह एलोकेशन जारी केले होते. त्यानंतर सर्व शॉर्टलिस्ट केलेल्या उमेदवारांसाठी स्लाइडिंग आणि आयडेंटिटी व्हेरिफिकेशन प्रक्रिया अनिवार्य होती. ही प्रक्रिया २० आणि २१ जुलै २०२६ रोजी संबंधित एसएससी प्रादेशिक कार्यालयांमध्ये पार पडली.
Eduvarta
एज्युवार्ता न्यूज नेटवर्क
सिलेक्शन कमिशनने ज्युनियर इंजिनियर परीक्षा२०२५ चा (SSC JE 2025) अंतिम निकाल जाहीर केला आहे. परीक्षेत सहभागी झालेल्या उमेदवारांना आता आयोगाचे अधिकृत संकेतस्थळ ssc.gov.in वर जाऊन निकाल पाहता येणार आहे. निवड झालेल्या उमेदवारांची यादी पीडीएफ स्वरूपात जारी करण्यात आली असून, उमेदवार त्यात आपला रोल नंबर किंवा नाव शोधून निकाल (SSC JE 2025 Roll Number Result) तपासू शकतात. आयोगाने एकूण १७३१ उमेदवारांना पुढील टप्प्यासाठी तात्पुरते शॉर्टलिस्ट (SSC JE 2025 Shortlist Candidates) केले आहे.
आयोगाने यापूर्वी ९ जुलै २०२६ रोजी ज्युनियर इंजिनियर परीक्षेसाठी फर्स्ट राउंड ऑफ टेंटेटिव्ह एलोकेशन जारी केले होते. त्यानंतर सर्व शॉर्टलिस्ट केलेल्या उमेदवारांसाठी स्लाइडिंग आणि आयडेंटिटी व्हेरिफिकेशन प्रक्रिया अनिवार्य होती. ही प्रक्रिया २० आणि २१ जुलै २०२६ रोजी संबंधित एसएससी प्रादेशिक कार्यालयांमध्ये पार पडली. आयडेंटिटी व्हेरिफिकेशन पूर्ण झाल्यानंतरच अंतिम निकाल घोषित करण्यात आला आहे.पद वाटप उमेदवारांनी ऑनलाइन दिलेल्या पद पसंती, मेरिट आणि स्लाइडिंग प्रक्रियेदरम्यान निवडलेल्या FIX व FLOAT पर्यायांच्या आधारावर करण्यात आले आहे.
अंतिम निकालानुसार एकूण १ हजार ७३१ उमेदवारांना प्रोविजनल शॉर्टलिस्ट करण्यात आले आहे. स्लाइडिंग प्रक्रियेदरम्यान ५८५ उमेदवारांनी FIX पर्याय निवडला, तर १ हजार २८ उमेदवारांनी FLOAT पर्याय स्वीकारला. काही उमेदवार स्लाइडिंग आणि आयडेंटिटी व्हेरिफिकेशनला अनुपस्थित राहिल्याने रिक्त झालेल्या जागांवर ११५ नवीन अटॅचमेंटही करण्यात आली आहेत.
प्रवर्गानुसार निवड झालेल्या उमेदवारांची संख्या आयोगाने जाहीर केली आहे. जनरल प्रवर्गातील ७८०, ओबीसीचे ४३२, एससीचे २७०, ईडब्ल्यूएसचे १२७ आणि एसटीचे १२२ उमेदवारांचा समावेश आहे. आयोगाने स्पष्ट केले आहे की, रिपोर्ट केलेल्या सर्व रिक्त जागांसाठी प्रोविजनल शिफारसी जारी करण्यात आल्या आहेत.
उमेदवारांनी आयोगाच्या अधिकृत वेबसाइटवर जाऊन पीडीएफ यादी तपासून आपली निवड निश्चित करावी. पुढील निवड प्रक्रिया आणि कागदपत्र पडताळणीबाबत अधिक सूचना लवकरच जाहीर केल्या जातील. एसएससी जेई २०२५ च्या या अंतिम निकालामुळे हजारो अभियांत्रिकी पदवीधरांची वाट पाहण्याची प्रक्रिया संपली आहे. आयोगाने सर्व संबंधित माहिती अधिकृत संकेतस्थळावर उपलब्ध करून दिली आहे.
