अतिरिक्त शिक्षक व शिक्षकेतर कर्मचाऱ्यांचे ३१ मार्चपर्यंत समायोजन

एज्युवार्ता न्यूज नेटवर्क 

राज्यातील स्थानिक स्वराज्य संस्थांच्या शाळांसह खासगी अनुदानित, अंशतः अनुदानित शाळांतील (Private aided, partially aided schools) अतिरिक्त शिक्षक, शिक्षकेतर कर्मचाऱ्यांसाठी (Additional teachers, non-teaching staff) मोठी बातमी समोर आली आहे. अतिरिक्त शिक्षक व शिक्षकेतर कर्मचाऱ्यां समायोजनाची प्रक्रिया (Adjustment process) राबवली जाणार आहे. याबाबतच्या सूचना प्राथमिक शिक्षण संचालक शरद गोसावी, माध्यमिक व उच्च माध्यमिक शिक्षण संचालक डॉ. महेश पालकर यांनी परिपत्रकाद्वारे (Notification through a circular) दिल्या आहेत. त्यासाठी शिक्षण संचालनालयाकडून वेळापत्रक तयार करण्यात आले असून १३ फेब्रुवारी रोजी तात्पुरती यादी जाहीर आहे. तर ३१ मार्चपर्यंत समायोजन प्रक्रिया पूर्ण  करण्याच्या सूचना देण्यात आल्या आहेत. 

हेही वाचा - भायखळा रेल्वे स्थानकातील शौचालयात महाविद्यालयीन विद्यार्थिनीने केला आत्महत्येचा प्रयत्न

अतिरिक्त शिक्षक समायोजनाच्या कार्यपद्धतीविरोधात दाखल करण्यात आलेल्या याचिका उच्च न्यायालयाने निकाली काढण्यात आल्या आहेत. त्या अनुषंगाने समायोजन प्रक्रियेवरील स्थगिती उठवण्यात आली आहे. २०२५-२६च्या संचमान्यतेनुसार रिक्त, अतिरिक्त पदांची पडताळणी करून अतिरिक्त ठरणारे शिक्षक, शिक्षकेतर कर्मचारी यांची समायोजन प्रक्रिया वेळापत्रकानुसार राबववण्याबाबतच्या सूचना देण्यात आल्या आहेत.

२०२५-२६च्या संचमान्यतेनुसार अतिरिक्त ठरणाऱ्या शिक्षक, शिक्षकेतर कर्मचाऱ्यांच्या समायोजनाबाबत रिक्त जागा, संवर्ग, विषय, इयत्तानिहाय आणि अतिरिक्त शिक्षक, शिक्षकेतर कर्मचारी यांची तात्पुरती यादी १३ फेब्रुवारीपर्यंत जाहीर करावी. तर १५ मार्च २०२४च्या शासन निर्णयातील तरतुदीनुसार अतिरिक्त ठरणाऱ्या कर्मचाऱ्यांच्या समायोजनाबाबत जिल्हा स्तरावर ३ मार्चपर्यंत प्रक्रिया पूर्ण करावी. त्यानंतर अतिरिक्त शिक्षक, शिक्षकेतर कर्मचाऱ्यांची यादी प्राथमिक, माध्यमिक शिक्षणाधिकारी यांनी विभागीय शिक्षण उपसंचालकांना १० मार्चपर्यंत सादर करावी. तर उपसंचालकांनी विभागस्तरावर समायोजनाची २५ मार्चपर्यंत पूर्ण करावी. उर्वरित पदांचा तपशील, अतिरिक्त शिक्षक, कर्मचारी यांची यादी ३१ मार्चपर्यंत संचालनालयास सादर करण्याच्या सूचना देण्यात आल्या आहेत.