11th admission:अकरावीच्या चौथ्या फेरीचे वेळापत्रक प्रसिध्द

एज्युवार्ता न्यूज नेटवर्क 

11th admission: इयत्ता अकरावी प्रवेशाच्या चौथ्या फेरीचे वेळापत्रक (Schedule for the fourth round)प्रसिद्ध झाले आहे. विद्यार्थ्यांना येत्या 28 ते 29 जुलै या कालावधीत प्रवेश अर्जाचा पहिला व दुसरा भाग भरून कनिष्ठ महाविद्यालयाचे पसंतीक्रम (Add preference)भरता येणार आहेत. तसेच संबंधित विद्यार्थ्यांना कॉलेज झाल्यानंतर 1 ते 2 ऑगस्ट दरम्यान प्रत्यक्ष कनिष्ठ महाविद्यालयामध्ये जाऊन आपला प्रवेश निश्चित करता येणार आहे. सध्या अकरावी प्रवेशाची तिसरी फेरी (Third round of 11th admission) सुरू असून कॉलेज अलॉट झालेल्या 1 लाख 11 हजार 235 विद्यार्थ्यांपैकी 25 जुलै रोजी 49 हजार 331 विद्यार्थ्यांनी आपला प्रवेश निश्चित केला आहे. शनिवार (दि.26) पर्यंत विद्यार्थ्यांना तिसऱ्या फेरीतून प्रवेश करण्यात येणार आहे.

राज्याच्या माध्यमिक शिक्षण विभागातर्फे राबवल्या जात असलेल्या इयत्ता अकरावी प्रवेश प्रक्रियेसाठी 14 लाख 29 हजार 234 विद्यार्थ्यांनी नोंदणी केली आहे. त्यातील सुमारे 7 लाख 20 हजार विद्यार्थ्यांनी आपला प्रवेश निश्चित केला आहे. तिसऱ्या फेरीसाठी 1 लाख 11 हजार 235 विद्यार्थ्यांना कॉलेज अलॉट झाले होते. त्यात कला शाखेसाठी 20 हजार 963, वाणिज्य शाखेसाठी 30 हजार 505 तर विज्ञान शाखेसाठी 56 हजार 767 विद्यार्थ्यांना कॉलेज अलॉट करण्यात आले होते. 25 जुलै पर्यंत त्यातील 49 हजार 331 विद्यार्थ्यांनी प्रत्यक्ष संबंधित कॉलेजमध्ये जाऊन आपला प्रवेश निश्चित केला.

अकरावी प्रवेशाची तिसरी फेरी सुरू असतानाच शिक्षण विभागाने चौथ्या फेरीचे वेळापत्रक जाहीर केले आहे. त्यानुसार अद्याप ज्या विद्यार्थ्यांनी प्रवेशासाठी नोंदणी केलेली नाही. पहिल्या फेरी दरम्यान भरलेल्या अर्जा भाग एक मध्ये ज्यांना दुरुस्ती करावयाची आहे, तसेच प्रवेशाचा भाग एक व भाग दोन भरावयाचा आहेत.तसेच पसंतीक्रम नोंदवायचे आहेत. त्यांना चौथ्या फेरीसाठी 28 ते 29 जुलै दरम्यान अर्ज करता येईल. तसेच सर्व प्रक्रिया पूर्ण करून विद्यार्थ्यांना प्रवेश अर्जाचा भाग एक व दोन लॉक करावा लागणार आहे.