SPPU PHD Admission : पीएच.डी.प्रवेश पूर्व परीक्षेचे वेळापत्रक जाहीर
पीएचडी प्रवेश प्रक्रिया येत्या १० जुलै पासून सुरू होणार असून विद्यार्थ्यांना येत्या १० ऑगस्ट, २०२४ पर्यंत अर्ज करण्यास मुदत देण्यात आली आहे.
eduvarta@gmail.com 
एज्युवार्ता न्यूज नेटवर्क
SPPU PHD PET EXAM : सावित्रीबाई फुले पुणे विद्यापीठाच्या (Savitribai Phule Pune University) पीएच.डी. प्रवेश परीक्षेची (पेट) (Ph.D. Pre-admission Exam)अर्ज प्रक्रिया येत्या १० जुलै पासून सुरू होणार असून विद्यार्थ्यांना येत्या १० ऑगस्ट, २०२४ पर्यंत अर्ज करण्यास मुदत देण्यात आली आहे. ही परीक्षा केंद्रनिहाय संगणक प्रणालीवर येत्या २४ ऑगस्ट, २०२४ रोजी पुणे, अहमदनगर व नाशिक शहरातील परीक्षा केंद्रामध्ये आयोजित करण्यात येणार आहे. याबाबतची सविस्तर माहिती वेबसाईटवर प्रसिध्द करण्यात आली आहे. तसेच रिक्त जागांचा प्रवर्ग निहाय तपशील https://bcud.unipune.ac.in/phd_entrance/Applicant/SearchGuideVacancies.aspx या लिंकवर उपलब्ध आहे.
सावित्रीबाई फुले पुणे विद्यापीठामध्ये पीएच.डी. प्रवेशासाठी इच्छूक विद्यार्थ्यांनी ऑनलाईनद्वारे अर्ज प्रक्रिया पूर्ण करावी. पीएच.डी. प्रवेशाविषयी संपूर्ण नियम, मार्गदर्शक सूचना आदी माहिती पीएच.डी. अॅडमिशन ॲण्ड ट्रॅकींग पोर्टल (लिंक - https://bcud.unipune.ac.in/phd/Ph.D_Addmission/index.html ) वर उपलब्ध आहे.
-----------------------------
विद्यापीठ अनुदान आयोगाच्या नवीन नियमावलीनुसार सावित्रीबाई फुले पुणे विद्यापीठाद्वारे पीएच.डी. प्रवेश परीक्षा (पेट) घेण्यात येत आहे. सर्व इच्छुक विद्यार्थी संशोधकांनी या परिक्षेत मोठ्या संखेने सहभागी व्हावे.
डॉ. सुरेश गोसावी, कुलगुरू, सावित्रीबाई फुले पुणे विद्यापीठ
