एनटीए नियोजनावर प्रश्नचिन्ह: CUET UG तांत्रिक बिघाडाने उमेदवार हैराण;पुन्हा परीक्षा होणार
एनटीएने दिलेल्या अधिकृत निवेदनानुसार, काही केंद्रांवर TCS iON च्या सेंट्रल सिस्टम कॉम्पोनेंटमध्ये बिघाड झाल्याने शिफ्ट १ ची सुरुवात उशिरा झाली. यात सुमारे ७३,१०० उमेदवार आणि ५३३ केंद्रे सहभागी होती. समस्या सोडवून बहुतेक म्हणजे जवळपास ९५% उमेदवारांना परीक्षा पूर्ण देता आली.
eduvarta@gmail.com 
एज्युवार्ता न्यूज नेटवर्क
कॉमन युनिव्हर्सिटी एंट्रन्स टेस्ट (CUET-UG) २०२६ साठी ३० मे २०२६ रोजी घेण्यात आलेल्या पहिल्या सत्रातील परीक्षेवेळी अनेक परीक्षा केंद्रांवर तांत्रिक बिघाडामुळे (Technical Difficulties) मोठा गोंधळ निर्माण झाला. यामुळे हजारो उमेदवारांना अनेक तास प्रतीक्षा करावी लागली, त्यानंतर काही परीक्षा केंद्रावर अडथळा दूर करण्यात अपयश आले यामुळे अनेक विद्यार्थ्यांना परीक्षा न देताच परतावे लागले. मात्र, आता या विद्यार्थ्यांची परीक्षा (reexamination) पुन्हा घेण्यात येणार असल्याचे एनटीएने (NTA) स्पष्ट केले आहे. असे असले तरी यामुळे एनटीए च्या परीक्षा नियोजनावर गंभीर प्रश्नचिन्ह (A Question Mark Over Exam Planning) पुन्हा एकदा उपस्थित झाले आहेत.
एनटीएने दिलेल्या अधिकृत निवेदनानुसार, काही केंद्रांवर TCS iON च्या सेंट्रल सिस्टम कॉम्पोनेंटमध्ये बिघाड झाल्याने शिफ्ट १ ची सुरुवात उशिरा झाली. यात सुमारे ७३,१०० उमेदवार आणि ५३३ केंद्रे सहभागी होती. समस्या सोडवून बहुतेक म्हणजे जवळपास ९५% उमेदवारांना परीक्षा पूर्ण देता आली. मात्र, बायोमेट्रिक नोंदणी पूर्ण झालेल्या ३,७६५ उमेदवारांनी परीक्षा पुन्हा सुरू होण्यापूर्वी केंद्र सोडले. या सर्व उमेदवारांसाठी NTA कडून पुर्नपरीक्षा घेणार आहे. पुर्नपरीक्षेची नवीन तारीख आणि तपशील माहिती अधिकृत संकेतस्थळावर लवकरच प्रसिद्ध केली जाईल.
TCS iON च्या सेंट्रल सिस्टम कॉम्पोनेंटमध्ये घडलेल्या तांत्रिक बिघाडीचा आहवाल सादर करण्याचे निर्देश देण्यात आले असून, त्यांचा अहवाल लवकर अपेक्षित आहे. तसेच एनटीएकडून असुविधेबद्दल दिलगिरी व्यक्त केली जात असल्याचे जाहीर केले आहे.
ही घटना NEET UG पेपर लीक आणि इतर परीक्षांमधील गडबडींनंतर घडली आहे. लाखो विद्यार्थ्यांच्या भविष्याशी संबंधित परीक्षांमध्ये वारंवार तांत्रिक अडचणी येत असल्याने एनटीएच्या तयारी आणि तंत्रज्ञान भागीदार (TCS iON) वरील विश्वास संपुष्टात येत आहे. उमेदवार आणि पालकांनी उष्णतेत तासन्तास केलेली प्रतीक्षा, मानसिक तणाव आणि अपव्यय याबाबत नाराजी व्यक्त केली. काही ठिकाणी पोलिसांत तक्रारीही दाखल करण्यात आल्या आहेत.
या घटनेमुळे CUET सारख्या महत्त्वाच्या परीक्षांच्या विश्वासार्हतेवर पुन्हा एकदा प्रश्नचिन्ह उभे राहिले आहेत. उमेदवारांना आता नवीन तारखेची प्रतीक्षा आहे. NTA ने आश्वासन दिले की, कोणत्याही उमेदवारावर अन्याय होणार नाही, परंतु वारंवार येणाऱ्या अडचणींमुळे दीर्घकालीन सुधारणा अपेक्षित असल्याचे मत उमेदवार आणि पालकांकडून व्यक्त केले जात आहे.
