सुवर्णसंधी! SBI बँकेत ९,७६६ क्लर्क पदासाठी मोठी भरती; अर्ज प्रक्रिया सुरू

एज्युवार्ता न्यूज नेटवर्क 

भारतीय स्टेट बँकेने (SBI) ज्युनियर असोसिएट (Customer Support and Sales) या क्लर्क पदासाठी तब्बल ९ हजार ७६६ जागांची (Clerk Post 9,766 Vacancies) भरती जाहीर केली आहे. यामध्ये ७ हजार ६८० नियमित (Regular posts 7,680) आणि २ हजार ८६ बॅकलॉग पदे (Backlog posts 2,086) समाविष्ट आहेत. बँकिंग क्षेत्रात सरकारी नोकरीची अपेक्षा असणाऱ्या युवकांसाठी ही एक मोठी संधी ठरली आहे. सर्वसाधारण, ईडब्ल्यूएस, ओबीसी, एससी आणि एसटी (General, EWS, OBC, SC, ST) अशा सर्व प्रवर्गातील उमेदवार या भरतीसाठी अर्ज करू शकतात.

अर्ज प्रक्रिया पूर्णपणे ऑनलाइन पद्धतीने राबविण्यात येणार आहे. उमेदवारांना ११ ऑगस्टपासून अर्ज भरता येणार असून शेवटची तारीख ३१ ऑगस्ट ठेवण्यात आली आहे. अधिकृत संकेतस्थळ sbi.bank.in वरून अर्ज स्वीकारले जातील. पात्र उमेदवारांनी वेळेवर अर्ज सादर करणे आवश्यक आहे, कारण विलंब झाल्यास अर्ज स्वीकारले जाणार नाहीत.

शैक्षणिक पात्रतेनुसार उमेदवारांकडे मान्यताप्राप्त विद्यापीठातून कोणत्याही विषयात पदवी असणे आवश्यक आहे. अंतिम वर्ष किंवा अंतिम सत्रातील विद्यार्थीही अर्ज करू शकतात. मात्र त्यांना ३१ डिसेंबर २०२६ पर्यंत पदवी प्राप्त करणे बंधनकारक राहील. वयाबाबत १ एप्रिल २०२६ रोजी किमान २० वर्षे आणि कमाल २८ वर्षे पूर्ण झालेले असावेत.

आरक्षित प्रवर्गासाठी वयोमर्यादेत सूट देण्यात आली आहे. ओबीसी उमेदवारांना तीन वर्षे, एससी/एसटी उमेदवारांना पाच वर्षे तर दिव्यांग (पीडब्ल्यूबीडी), माजी सैनिक आणि इतर पात्र प्रवर्गांना सरकारी नियमांनुसार अतिरिक्त सूट मिळेल. ही भरती बँकिंग क्षेत्रात स्थिर करिअर घडवण्याची उत्तम संधी असल्याने पात्र उमेदवारांनी अधिकृत वेबसाइटवरून सविस्तर जाहिरात वाचून वेळेवर अर्ज करावा.