SPPU NEWS : पीएच.डी.च्या 'त्या' विद्यार्थ्यांना कोर्स वर्क मधून सूट

एज्युवार्ता न्यूज नेटवर्क 

सावित्रीबाई फुले पुणे विद्यापीठाने (Savitribai Phule Pune University)पीएचडी (Ph.d.)करणाऱ्या विद्यार्थ्यांना रिसर्च मेथोडोलॉजी व रिसर्च पब्लिकेशन एथिक्स (Research Methodology and Research Publication Ethics) कोर्स वर्क (Course work)पूर्ण करण्यापासून सूट दिली आहे. मात्र, हा निर्णय दुसऱ्या विषयात पीएचडी करणाऱ्या विद्यार्थ्यांसाठी लागू असणार आहे. त्यामुळे दुसऱ्यांदा पीएचडी करणाऱ्या विद्यार्थ्यांसाठी कोर्स वर्क पूर्ण करण्याची आवश्यकता राहिली नाही.

संशोधन करणाऱ्या विद्यार्थ्यांना कोर्स वर्क पूर्ण करण्याची अट बंधनकारक आहे.मात्र, एका विषयात पीएचडी पदवी प्राप्त करताना ज्या विद्यार्थ्यांनी रिसर्च मेथोडोलॉजी कोर्स वर्क पूर्ण केलेला आहे, अशा विद्यार्थ्यांना दुसऱ्यांदा पीएचडी करताना रिसर्च पब्लिकेशन एथिक्स आणि रिसर्च मेथोडोलॉजी म्हणजेच कोर्स वर्क पूर्ण करण्याची अट रद्द करण्यात आली आहे.

सावित्रीबाई फुले पुणे विद्यापीठाच्या शैक्षणिक प्रवेश विभागातर्फे या संदर्भातील परिपत्रक प्रसिद्ध करण्यात आले आहे.त्यानुसार दुसऱ्यांदा पीएचडी करणाऱ्या विद्यार्थ्यांना कोर्स वर्क मधून सूट देण्यात आली आहे. त्याचप्रमाणे 19 /5 /2022 चे कोर्स वर्क संदर्भातील पत्रक रद्द करण्यात आले आहे ,असे परिपत्रक सावित्रीबाई फुले पुणे विद्यापीठाचे उपकुलसचिव मुंजाजी रासवे यांनी प्रसिद्ध केले आहे.