शालेय पोषण आहार अनुदानाचा मार्ग मोकळा...

एज्युवार्ता न्यूज नेटवर्क 

केंद्र शासनाच्या प्रधानमंत्री पोषणशक्ती निर्माण योजनेंतर्गत (Pradhan Mantri Poshanshakti Nirman Yojana) इयत्ता पहिली ते आठवीच्या विद्यार्थ्यांना अंडी, केळी यांसारखा पोषण आहार (School nutrition Diet) देण्यात येतो. त्यासाठी शाळांना प्रलंबित राहिलेले तसेच चालू वर्षातील अनुदान उपलब्ध करून दिले जाणार आहे. त्यासाठीचे प्रस्ताव शाळांनी सादर करण्याचे निर्देश (Instructions to schools to submit proposals) प्राथमिक शिक्षण संचालनालयाने शिक्षण विभागाला दिले आहे.

शाळा स्तरावर २०२३-२४ या कालावधीमध्ये नोव्हेंबर २०२३ ते मार्च २०२४ दरम्यान आठवड्यातील एक दिवस अंडे देण्याचा २०२४-२५ मध्ये त्रिस्तरीय आहार रचनेप्रमाणे दोन आठवड्यांतून एकदा अंडा पुलाव देण्याचे निर्देश दिले होते. मात्र, अमरावतीसह अनेक आणि केंद्रीय स्वयंपाकगृह संस्थांनी अंडी आणि केळी वाटपासाठीचे अनुदान मिळालेले नव्हते. नोव्हेंबर २०२३ ते एप्रिल २०२४ दरम्यान शाळा अथवा केंद्रीय स्वयंपाकगृहाला द्यायचे अनुदाना आणि शाळांना यापूर्वी वितरित शाळांच्या अग्रिम रक्कम, उर्वरित देयकांच्या फरकाची रक्कमअशी अनुदान मागणी नोंदवावी लागेल. 

संकेतस्थळावर माहिती भरणे आवश्यक 

सन २०२४-२५ या शैक्षणिक वर्षात त्रिस्तरीय आहाराचा लाभ संबंधित शाळांनी तसेच केंद्रीय स्वयंपाकगृह संस्थांनी विद्यार्थ्यांना दिला असल्याची खात्री करून मुख्याध्यापकांमार्फत प्रमाणित करून घ्यावे. तसेच जिल्हास्तरावर केंद्रीय स्वयंपाकगृह संस्थांकडील सर्व शाळांच्या मुख्याध्यापकांचे प्रमाणपत्र दप्तरी ठेवण्यात यावेत. शाळांनी विद्यार्थ्यांना उपलब्ध करून दिलेल्या नियमित आहाराची माहिती एमडीएम संकेतस्थळावर भरणे आवश्यक आहे. एमडीएम संकेतस्थळावर केलेल्या दैनंदिन उपस्थितीची नियमितपणे पडताळणी केली जाईल.