कॅटचा (CAT ) निकाल जाहीर; महाराष्ट्र अव्वल स्थानावर
CAT 2024 च्या निकालामध्ये पाच विद्यार्थ्यांनी 100 टक्के गुण मिळवल्याने महाराष्ट्राने अव्वल स्थान पटकावले आहे. तेलंगणामधील दोन विद्यार्थ्यांनी उत्कृष्ट कामगिरी केली आहे.
eduvarta@gmail.com 
एज्युवार्ता न्यूज नेटवर्क
इंडियन इन्स्टिट्यूट ऑफ मॅनेजमेंट (IIM), कोलकाता यांनी कॉमन अॅडमिशन टेस्ट ( CAT) 2024 चा निकाल जाहीर (CAT 2024 results announced) केला आहे. विद्यार्थी अधिकृत वेबसाइट iimcat.ac.in वर जाऊन नोंदणी क्रमांक आणि जन्मतारीख वापरून त्यांचे स्कोअरकार्ड तपासू शकतात.
CAT 2024 च्या निकालामध्ये पाच विद्यार्थ्यांनी 100 टक्के गुण मिळवल्याने महाराष्ट्राने अव्वल स्थान पटकावले आहे. तेलंगणामधील दोन विद्यार्थ्यांनी उत्कृष्ट कामगिरी केली आहे, तर आंध्र प्रदेश (AP), दिल्ली, हरियाणा, केरळ, मध्य प्रदेश (MP), ओडिशा आणि उत्तर प्रदेश (UP) येथून प्रत्येकी एक उमेदवार 100 टक्के गुण मिळवणाऱ्यांमध्ये सामील झाला आहे.
असा तपासा CAT 2024 निकाल
सर्वप्रथम अधिकृत वेबसाइट iimcat.ac.in ला भेट द्या. मुख्यपृष्ठावरील CAT 2024 निकाल लिंकवर क्लिक करा. आपला नोंदणी क्रमांक आणि जन्मतारीख प्रविष्ट करा. सबमिट केल्यानंतर तुमचे स्कोअरकार्ड स्क्रीनवर दिसेल. स्कोअरकार्ड काळजीपूर्वक तपासा आणि प्रिंट काढून घ्या.
CAT 2024 ची परीक्षा 24 नोव्हेंबर रोजी आयोजित करण्यात आली होती. या परीक्षेला देशभरातून जवळपास 2 लाख 92 हजार विद्यार्थी सामील झाले होते. यंदाच्या निकालात 14 विद्यार्थ्यांनी 100 टक्के गुण मिळवले आहेत. यामध्ये 1 मुलगी आणि 13 मुलांचा सहभाग आहे. 100 टक्के गुण मिळवणाऱ्यांपैकी 13 विद्यार्थी अभियंता, तर 1 नॉन-इंजिनियर आहे.
