सीबीएसईमार्फत अधीक्षक, कनिष्ठ सहाय्यक पदांसाठी टियर-२, टायपिंग चाचणीच्या तारखा जाहीर

एज्युवार्ता न्यूज नेटवर्क

केंद्रीय माध्यमिक शिक्षण मंडळाने (CBSE) अधीक्षक पदासाठीच्या टियर-२ परीक्षेचे आणि कनिष्ठ सहाय्यक पदांसाठीच्या कौशल्य (टायपिंग) चाचणीचे वेळापत्रक जाहीर केले आहे. नवीन अपडेटनुसार, अधीक्षक पदासाठीची टियर-२ परीक्षा (Tier -2 examination ) ५ जुलै २०२५ रोजी दिल्ली (delhi) येथे घेतली जाणार आहे.  

याव्यतिरिक्त, कनिष्ठ सहाय्यक पदासाठी कौशल्य (टायपिंग) चाचणीसाठी निवडलेल्या उमेदवारांची चाचणी ३ जुलै ते ५ जुलै २०२५ दरम्यान दिल्ली याठिकाणीच घेतली जाणार आहे. तसेच टायपिंग चाचणीची विशिष्ट तारीख लवकरच उमेदवाराच्या अर्ज लॉगिनमध्ये उपलब्ध करून दिली जाणार आहे.

सीबीएसई परीक्षेच्या दोन दिवस आधी परीक्षेचे हॉलतिकीट प्रसिद्ध करण्यात येणार आहे. ज्यामध्ये परीक्षेची तारीख, वेळ आणि केंद्राची माहिती या सर्व गोष्टी असणार आहे.

दरम्यान, २० एप्रिल २०२५ रोजी दिल्ली, नोएडा, फरीदाबाद, गुरुग्राम आणि गाझियाबाद या ठिकाणांहून झालेल्या टियर-१ परीक्षेला बसलेल्या उमेदवारांना स्लीपर क्लास (नॉन-एसी) ट्रेनच्या ये-जा भाड्याची परतफेड केली जाणार आहे. परतफेडीचा दावा करण्यासाठी, त्यांना टियर-२ किंवा टायपिंग चाचणी दरम्यान त्यांच्या ट्रेन तिकिटांची एक प्रत आणि त्यांच्या बँक खात्याचा रद्द केलेला चेक सादर करावा लागेल. पात्र रक्कम थेट त्यांच्या बँक खात्यात हस्तांतरित केली जाईल. अधिक माहितीसाठी उमेदवारांनी बीएसईच्या https://www.cbse.gov.in/ या अधिकृत वेबसाइटला भेट द्यावी.