CBSE : इयत्ता 9 वी आणि 11वीची नोंदणी सुरू

एज्युवार्ता न्यूज नेटवर्क 

केंद्रीय माध्यमिक शिक्षण मंडळाने (CBSE) आज म्हणजे 18 सप्टेंबरपासून  इयत्ता 9वी आणि 11वीच्या विद्यार्थ्यांसाठी (students) नोंदणी प्रक्रिया (Registration process) सुरू आहे. नोंदणीची शेवटची तारीख 16 ऑक्टोबर आहे. CBSE च्या अधिकृत वेबसाइटला cbse.gov.in भेट देऊन विद्यार्थी 2025-26 सत्रासाठी CBSE इयत्ता 9 वी आणि 11 वीच्या बोर्ड परीक्षेसाठी नोंदणी करू शकतात. 

इयत्ता 9 वी आणि 11 वीच्या CBSE बोर्ड परीक्षेसाठी नोंदणी प्रक्रिया फक्त ऑनलाइन असणार आहे. सर्व महत्त्वाच्या अपडेट्ससाठी विद्यार्थ्यांनी cbse.gov.in अधिकृत वेबसाइटला भेट द्यावी लागेल.  विद्यार्थ्यांना नोंदणी फॉर्म या अधिकृत वेबसाइटवर सबमिट करावा लागेल आणि आवश्यक कागदपत्रे देखील ऑनलाइन पद्धतीनेच सबमिट करावी लागतील. विद्यार्थ्यांना 9वीसाठी 300 रुपये आणि इयत्ता 11वीसाठी 600 रुपये नोंदणी शुल्क भरावे लागणार आहे.

नोंदणी वेळेवर न केल्यास, CBSE कडून 2 हजार 300 रुपये विलंब शुल्क आकारले जाईल. विलंब शुल्क जमा करण्याची अंतिम तारीख २४ ऑक्टोबर आहे. ऑनलाइन नोंदणीशिवाय विद्यार्थ्यांना परीक्षेला बसू दिले जाणार नाही याची विद्यार्थ्यांनी नोंद घ्यावी. 

अर्ज करण्यासाठी विद्यार्थ्यांनी cbse.gov.in या अधिकृत वेबसाइटला भेट द्यावी. त्यानंतर मुख्यपृष्ठावरील "परीक्षा संगम" लिंकवर टॅप करा आणि पुढील चरणावर जा. त्यानंतर तुमची लॉगिन क्रेडेंशियल एंटर करा आणि "CBSE वर्ग 9, 11 नोंदणी 2025" वर क्लिक करा. आवश्यक कागदपत्रे अपलोड करा आणि ऑनलाइन फी भरा. तुमचा CBSE नोंदणी फॉर्म सबमिट करा आणि पुढील चरणावर जा. त्यानंतर प्रिंट आऊट काढा.