युद्धामुळे पुण्यातील इंदिरा युनिव्हर्सिटीचे ८४ विद्यार्थी दुबईत अडकले;पालकांमध्ये भिती
सध्या अमेरिका-इराण आणि इस्रायल यांच्यात सुरू असलेल्या युद्धाचे पडसाद भारतात उमटू लागले आहेत. पुण्यातील इंदिरा युनिव्हर्सिटीचे एकूण ८४ विद्यार्थी सध्या दुबईमध्ये आहेत. हे सर्व विद्यार्थी ग्लोबल इमर्शन कार्यक्रमासाठी दुबईला गेले होते. सर्व विद्यार्थी पूर्णपणे सुखरूप असून सुरक्षित आहेत.
eduvarta@gmail.com 
एज्युवार्ता न्यूज नेटवर्क
सध्या अमेरिका-इराण आणि इस्रायल यांच्यात सुरू असलेल्या युद्धाचे (US-Iran and Israel War) पडसाद भारतात उमटू लागले आहेत. पुण्यातील इंदिरा युनिव्हर्सिटीचे (Indira University Pune) एकूण ८४ विद्यार्थी सध्या दुबईमध्ये (84 students in Dubai) आहेत. हे सर्व विद्यार्थी ग्लोबल इमर्शन कार्यक्रमासाठी दुबईला गेले होते. सर्व विद्यार्थी पूर्णपणे सुखरूप असून सुरक्षित आहेत. त्या ठिकाणी विद्यार्थ्यांसोबत आमच्या कॉलेजचे ४ प्राध्यापक उपस्थित आहेत. त्यांच्यासोबत आमचा सातत्याने संपर्क सुरू आहे. विद्यार्थ्यांच्या पालकांशीही आमचा नियमित संवाद सुरू (Communication with students) असल्याची माहिती विद्यापीठ प्रशासनाकडून देण्यात आली आहे.
या कार्यक्रमासाठी ४२ मुलं आणि ४२ मुली असे एकूण ८४ विद्यार्थी गेले आहेत. सर्व विद्यार्थी आमच्या संपर्कात असून परिस्थिती नियंत्रणात आहे. आमच्या युनिव्हर्सिटीकडून परराष्ट्र मंत्रालयाशी सातत्याने संपर्क साधला जात आहे. आमचे निवेदन संबंधित अधिकाऱ्यांपर्यंत पोहोचले आहे. केंद्रीय राज्यमंत्री मुरलीधर मोहोळ यांच्यासोबतही आमची चर्चा झाली आहे, अशी माहिती युनिव्हर्सिटी प्रशासनाने माध्यमांना दिली आहे.
तसेच दुबईमधील भारतीय दूतावास कार्यालयाशीही आमचा संपर्क झाला असून, आवश्यक ती समन्वय प्रक्रिया सुरू आहे. विद्यार्थ्यांच्या पालकांनी घाबरून जाऊ नये, असे आवाहन इंदिरा युनिव्हर्सिटी प्रशासनाने केले आहे. त्यामुळे ही सर्वच्या सर्व ८४ विद्यार्थी भारतात कधी पोहोचणार आकडे पालकांचे लक्ष लागले आहे.
