11th Admission : अकरावीसाठी 4 लाख विद्यार्थ्यांचे प्रवेश निश्चित, उद्या अंतिम मुदत
उद्या 7 जुलै सायंकाळी 5 वाजेपर्यंत विद्यार्थ्यांना आपला प्रवेश निश्चित करता येणार असल्याचे शिक्षण विभागाकडून स्पष्ट करण्यात आले आहे. आत्तापर्यंत निश्चित झालेल्या प्रवेशामध्ये कॅप अंतर्गत 3 लाख 80 हजार 502 विद्यार्थ्यांचा तर संस्थानिहाय व अल्पसंख्यांक कोटा या अंतर्गत 74 हजार 862 विद्यार्थ्यांचा समावेश असल्याची माहिती, माध्यमिक व उच्च माध्यमिक शिक्षण संचालक डॉ. महेश पालकर यांनी दिली आहे
eduvarta@gmail.com 
एज्युवार्ता न्यूज नेटवर्क
काही दिवसांपुर्वीच अकरावी ऑनलाइन प्रवेश प्रक्रियेची पहिली (11th online admission process) गुणवत्ता यादी जाहीर झाली. पहिल्या प्रवेश फेरीअंतर्गत राज्यातील 6 लाख 32 हजार 194 विद्यार्थ्यांचे प्रवेश जाहीर करण्यात आले आहेत. त्यापैकी आत्तापर्यंत केवळ 4 लाख 55 हजार 364 विद्यार्थ्यांचे प्रवेश निश्चित (Admission of 1 lakh 55 thousand 364 students confirmed) झाले आहेत. उद्या 7 जुलै सायंकाळी 5 वाजेपर्यंत विद्यार्थ्यांना आपला प्रवेश निश्चित करता येणार असल्याचे शिक्षण विभागाकडून स्पष्ट करण्यात आले आहे. आत्तापर्यंत निश्चित झालेल्या प्रवेशामध्ये कॅप अंतर्गत 3 लाख 80 हजार 502 विद्यार्थ्यांचा तर संस्थानिहाय व अल्पसंख्यांक कोटा या अंतर्गत 74 हजार 862 विद्यार्थ्यांचा समावेश असल्याची माहिती, माध्यमिक व उच्च माध्यमिक शिक्षण संचालक डॉ. महेश पालकर (Director of Education Dr. Mahesh Palkar) यांनी दिली आहे. पुणे विभागांतील 1 लाख 16 हजार 291 जागांसाठी प्रवेश जाहीर करण्यात आले आहेत.
देशातील पहिले सहकार विद्यापीठ गुजरातमध्ये; अमित शहांच्या हस्ते भुमिपूजन
अकरावी ऑनलाइन प्रवेशातील पहिल्या प्रवेश फेरीसाठी राज्यातील 10 लाख 66 हजार 5 विद्यार्थ्यांनी अर्ज केले. त्यात कला शाखेच्या 2 लाख 31 हजार 356 विद्यार्थ्यांनी, तर वाणिज्य शाखेच्या 2 लाख 24 हजार 931 विद्यार्थ्यांनी आणि विज्ञान शाखेच्या 6 लाख 9 हजार 718 विद्यार्थ्यांनी प्रवेशासाठी अर्ज केले आहेत. अर्ज केलेल्या 10 लाख 66 हजार 5 विद्यार्थ्यांपैकी 6 लाख 32 हजार 194 विद्यार्थ्यांना त्यांनी दिलेल्या पसंती क्रमांकानुसार पहिल्या फेरीसाठी प्रवेश जाहीर करण्यात आले आहेत.
अकरावी प्रवेशासाठी राज्यात 9 हजार 435 महाविद्यालयांमध्ये 16 लाख 70 हजार 598 जागा कॅप प्रवेशाच्या तसेच 4 लाख 53 हजार 122 जागा कोटा प्रवेशाच्या अशा एकूण 21 लाख 23 हजार 720 जागा उपलब्ध आहेत. त्यासाठी 13 लाख 45 हजार 974 विद्यार्थ्यांनी प्रवेशासाठी नोंदणी केली आहे. त्यापैकी 3 लाख 80 हजार 502 विद्यार्थ्यांनी कॅपव्दारे तसेच 74 हजार 862 विद्यार्थ्यांनी विविध कोटाअंतर्गत अशा एकूण 4 लाख 55 हजार 364 विद्यार्थ्यांनी आत्तापर्यंत प्रवेश घेतला आहे. प्रवेशासाठी कॅप प्रवेशाच्या 13 लाख 36 हजार 198, कोटा प्रवेशाच्या 3 लाख 79 हजार 261 अशा एकूण 17 लाख 15 हजार 459 जागा उपलब्ध असल्याचे स्पष्ट झाले आहे.
