दहावी उत्तीर्णांसाठी सुप्रीम कोर्टात नोकरीची संधी; ज्युनिअर कोर्ट अटेंडंट पदांसाठी मोठी भरती सुरू
भारतीय सर्वोच्च न्यायालयाने विविध रिक्त पदांसाठी मोठी भरती प्रक्रिया सुरू केली आहे. यामध्ये ज्युनिअर कोर्ट अटेंडंट या पदासाठी एकूण १३० जागा उपलब्ध करून देण्यात आल्या आहेत. देशाच्या सर्वोच्च न्यायसंस्थेत नोकरी मिळवण्याची संधी असलेल्या या भरतीमुळे सरकारी क्षेत्रात करिअर घडवू इच्छिणाऱ्या उमेदवारांना मोठी संधी उपलब्ध झाली आहे.
Eduvarta
एज्युवार्ता न्यूज नेटवर्क
भारतीय सर्वोच्च न्यायालयाने विविध रिक्त पदांसाठी मोठी भरती प्रक्रिया सुरू केली आहे. यामध्ये ज्युनिअर कोर्ट अटेंडंट या पदासाठी एकूण १३० जागा उपलब्ध करून देण्यात आल्या आहेत. देशाच्या सर्वोच्च न्यायसंस्थेत नोकरी मिळवण्याची संधी असलेल्या या भरतीमुळे सरकारी क्षेत्रात करिअर घडवू इच्छिणाऱ्या उमेदवारांना मोठी संधी उपलब्ध झाली आहे. विशेषतः दहावी आणि बारावी उत्तीर्ण अशी शैक्षणिक पाञता निश्चित करण्यात आली आहे. इच्छुक आणि पात्र उमेदवारांना अधिकृत संकेतस्थळ www.sci.gov.in वर जाऊन ऑनलाइन पद्धतीने अर्ज सादर करावा लागेल. अर्ज सादर करण्याची अंतिम मुदत २५ नोव्हेंबर २०२६ पर्यंत आहे.
या पदासाठी शैक्षणिक पात्रता म्हणून मान्यताप्राप्त मंडळातून किमान दहावी ते बारावी उत्तीर्ण असणे आवश्यक आहे. वयोमर्यादा ०१ ऑक्टोबर २०२६ रोजी १८ ते २७ वर्षांदरम्यान असावी. राखीव प्रवर्गातील उमेदवारांसाठी शासकीय नियमांनुसार वयोमर्यादेत सूट दिली आहे. अनुसूचित जाती आणि अनुसूचित जमाती उमेदवारांना ५ वर्षे तर इतर मागासवर्गीय उमेदवारांना ३ वर्षांची सूट लागू राहील. यामुळे अधिकाधिक पात्र तरुणांना अर्ज करण्याची संधी मिळणार आहे.
अर्ज शुल्काबाबत सामान्य प्रवर्गातील उमेदवारांना १ हजार ५०० रुपये भरावे लागतील. मात्र अनुसूचित जाती, अनुसूचित जमाती, इतर मागासवर्गीय, दिव्यांग आणि माजी सैनिक उमेदवारांसाठी हे शुल्क ७५० रुपये ठेवण्यात आले आहे. अर्ज फक्त ऑनलाइन पद्धतीनेच स्वीकारले जातील. इच्छुक उमेदवारांनी अर्ज प्रक्रिया पूर्ण करण्याची अंतिम मुदत २५ नोव्हेंबर २०२६ ही निश्चित केली आहे.
पात्र उमेदवारांनी अधिकृत संकेतस्थळ www.sci.gov.in वरूनच मुदतीपूर्वी अर्ज प्रक्रिया पूर्ण करावी, असे आवाहन करण्यात आले आहे. सर्वोच्च न्यायालयासारख्या प्रतिष्ठित संस्थेत नोकरी मिळवण्याची ही नामी संधी आहे.
