काकासाहेब वाघ कॉलेजच्या १६ विद्यार्थ्यांची पुणे विद्यापीठातील इलेक्ट्रॉनिक्स विभागात निवड

एज्युवार्ता न्यूज नेटवर्क 

मविप्र समाजाचे पिंपळगाव बसवंत येथील कर्मवीर काकासाहेब वाघ महाविद्यालयातील (Karmaveer Kakasaheb Wagh College) तृतीय वर्ष इलेक्ट्रॉनिक सायन्सचे एकूण १६ विद्यार्थींची सावित्रीबाई फुले पुणे विद्यापीठाच्या (Savitribai Phule Pune University) (एसपीपीयू) एम.एस्सी. (इलेक्ट्रॉनिक सायन्स आणि इन्स्ट्रुमेंटेशन) अभ्यासक्रमासाठी प्रवेश परीक्षेतून निवड झाली. मागील वर्षी (२०२३-२४) सहा आणि यावर्षी (२०२४-२५) दहा, असे एकूण १६ विद्यार्थी निवडले (16 student selection) जात पुन्हा एकदा आता विद्यापीठात मविप्र इलेक्ट्रॉनिक्स विभागाने आपले यश सिद्ध केला आहे. 

इलेक्ट्रॉनिक्स क्षेत्रातील वाढत्या, ३७ टक्क्यांपेक्षा जास्त नोकऱ्या संधींमुळे विद्यार्थ्यांचे यश महत्त्वपूर्ण आहे. मविप्रचे सरचिटणीस ॲड. नितीनजी ठाकरे आणि शिक्षणाधिकारी डॉ. नितीनजी जाधव यांच्या मार्गदर्शनाखाली महाविद्यालय आंतरराष्ट्रीय एआय रिसर्च सेंटर बनवण्याच्या दिशेने महत्त्वपूर्ण पाऊल टाकत आहे. यशस्वी विद्यार्थ्यांचा प्राचार्य प्रा. (डॉ.) सुरेश जाधव यांच्या हस्ते सत्कार करण्यात आला यावेळी ते मार्गदर्शन करतांना बोलत होते. 

11th Admission : अकरावीसाठी 4 लाख विद्यार्थ्यांचे प्रवेश निश्चित, उद्या अंतिम मुदत

नाशिक जिल्ह्यातील मविप्र क. का. वाघ महाविद्यालयातील इलेक्ट्रॉनिक सायन्स या एकाच विभागाचे व अत्यंत जागतिक मागणी असलेल्या तंत्रज्ञान शाखेतून सलग दोन वर्षे एवढ्या मोठ्या संख्येने विद्यापीठात एकाचवेळी निवड होण्याची हि पहिलीच वेळ आहे. नाशिक हे जागतिक इलेक्ट्रॉनिक्स हब होत असतांनाच जागतिक पातळीवर इलेक्ट्रॉनिक्स टेक्नॉलॉजीला मागणी व आंतरराष्ट्रीय स्तरावर काम करण्याची तसेच नोकरीची संधी यामुळे विद्यार्थांना मिळणार आहे. ज्याबद्दल शैक्षणिक क्षेत्रात चर्चा व कौतुक होत आहे.

महाविद्यालयाचे आयक्यूएसी समन्वयक आणि इलेक्ट्रॉनिक सायन्स विभागप्रमुख प्रा. भगवान कडलग यांनी प्रास्ताविक केले. आभार प्रा. किरणकुमार जोहरे यांनी मानले. यावेळी प्रा. प्रियंका निकम, प्रा. धनंजय कडलग, प्रा. राणी जगताप, प्रा. गायत्री वीर, प्रा. नीलम उपाध्ये, प्रा. प्रकाश डोखळे, प्रा. संपत कदम, प्रा. संजय दाभाडे, रजिस्ट्रार ज्ञानेश्वर मवाळ, अनिल गवळी आदी उपस्थित होते.