यूपीएससी ईएसई २०२७: अभियांत्रिकी सेवा प्राथमिक परीक्षेसाठी ४८० जागांची भरती जाहिरात प्रसिद्ध
केंद्रीय लोकसेवा आयोगाने अभियांत्रिकी सेवा (प्राथमिक) परीक्षा २०२७ अंतर्गत एकूण सुमारे ४८० रिक्त पदांसाठी नवीन भरती जाहिरात जारी केली आहे. या परीक्षेद्वारे विविध अभियांत्रिकी शाखांतील पात्र उमेदवारांना केंद्रीय अभियांत्रिकी सेवांमध्ये सामील होण्याची संधी मिळणार आहे.
Eduvarta
एज्युवार्ता न्यूज नेटवर्क
केंद्रीय लोकसेवा आयोगाने अभियांत्रिकी सेवा (प्राथमिक) परीक्षा २०२७ अंतर्गत एकूण सुमारे ४८० रिक्त पदांसाठी नवीन भरती जाहिरात जारी केली आहे. या परीक्षेद्वारे विविध अभियांत्रिकी शाखांतील पात्र उमेदवारांना केंद्रीय अभियांत्रिकी सेवांमध्ये सामील होण्याची संधी मिळणार आहे. अर्ज पूर्णपणे ऑनलाइन पद्धतीने स्वीकारले जाणार असून अधिकृत वेबसाइट https://upsc.gov.in/ वरून प्रक्रिया पूर्ण करता येईल. अर्ज सादर करण्याची अंतिम मुदत ६ ऑक्टोबर २०२६ आहे. ही परीक्षा अभियांत्रिकी पदवीधरांसाठी महत्त्वाची संधी ठरणार आहे.
उमेदवारांसाठी वयोमर्यादा २१ ते ३० वर्षे निश्चित करण्यात आली आहे. राखीव प्रवर्गातील उमेदवारांना भरती नियमांनुसार सवलत दिली जाणार आहे. परीक्षेत सहभागी होणाऱ्या उमेदवारांकडून २०० रुपये अर्ज शुल्क आकारला जाईल. आयोगाकडून शैक्षणिक पाञता निश्चित करण्यात आली आहे. त्यानुसार उमेदवाराने भारत सरकारच्या मान्यताप्राप्त विद्यापीठातून अभियांत्रिकी पदवी घेतलेली असावी किंवा इंस्टिट्यूशन ऑफ इंजिनिअर्स इंडियाच्या सेक्शन ए आणि बी परीक्षा उत्तीर्ण केलेली असावी. तसेच परदेशी विद्यापीठातील मान्यताप्राप्त पदवी किंवा डिप्लोमा, इलेक्ट्रॉनिक्स अँड टेलिकम्युनिकेशन इंजिनिअर्स असलेले उमेदवारही अर्ज करण्यास पात्र आहेत.
मूळ जाहिरातीत दिलेल्या अटींनुसारच पात्रता तपासणे आवश्यक आहे.या भरतीमुळे अभियांत्रिकी क्षेत्रातील तरुणांना केंद्रीय स्तरावर प्रतिष्ठित पदांवर काम करण्याची संधी मिळेल. अर्ज करण्यापूर्वी अधिकृत जाहिरात काळजीपूर्वक वाचावी आणि सर्व कागदपत्रे तयार ठेवावीत, असा आयोगाने उमेदवारांना सल्ला दिला आहे. ऑनलाइन अर्ज वेळेवर सादर करणे गरजेचे आहे, कारण शेवटच्या क्षणी तांत्रिक अडचणी येऊ शकतात.
एकूण पदांची संख्या सुमारे ४८० असून पदांनुसार पात्रता आणि इतर तपशील जाहिरातीत दिले आहेत. इच्छुक उमेदवारांनी यूपीएससीच्या अधिकृत संकेतस्थळावर नियमितपणे भेट देऊन अद्ययावत माहिती तपासावी, असे आवाहन करण्यात आले आहे.
