UGC NET डिसेंबर सत्राच्या वेळापत्रकात बदल ; आता या तारखेपासून होईल परीक्षा सुरू

नव्याने जाहीर करण्यात आलेल्या विषयनिहाय वेळापत्रकानुसार, 85 विषयांसाठी ही परीक्षा 3 जानेवारी 2025 पासून सुरू होणार आहे. शेवटची परीक्षा 16 जानेवारी 2024 रोजी घेतली जाईल. परीक्षा दोन शिफ्टमध्ये घेण्यात येणार आहे. पहिली शिफ्ट सकाळी 9 ते दुपारी 12 पर्यंत असेल. तर दुसरी शिफ्ट दुपारी ३ ते सायंकाळी ६ या वेळेत चालणार आहे.

Dec 20, 2024 - 13:30 Updated: Dec 21, 2024 - 13:49

UGC NET डिसेंबर सत्राच्या वेळापत्रकात बदल ; आता या तारखेपासून होईल परीक्षा सुरू

एज्युवार्ता न्यूज नेटवर्क

UGC NET डिसेंबर सत्राच्या परीक्षेची तयारी करणार्‍या उमेदवारांसाठी महत्वाची माहिती समोर आली आहे. या परीक्षेच्या वेळापत्रकात बदल करण्यात आला आहे. ( NEET UG exam schedule has been changed.) यापूर्वी प्रसिध्द केलेल्या अधिसूचनेनुसार, UGC NET डिसेंबर 2024 ची परीक्षा 1 जानेवारी ते 19 जानेवारी 2025 या कालावधीत होणार होती.मात्र, आता प्रसिध्द केलेल्या विषयनिहाय वेळापत्रकानुसार परीक्षा 3 जानेवारी 2025 पासून सुरू होईल आणि 16 जानेवारीला संपेल.

नव्याने जाहीर करण्यात आलेल्या विषयनिहाय वेळापत्रकानुसार 85 विषयांसाठी ही परीक्षा 3 जानेवारी 2025 पासून सुरू होणार आहे. शेवटची परीक्षा 16 जानेवारी 2024 रोजी घेतली जाईल. परीक्षा दोन शिफ्टमध्ये घेण्यात येणार आहे. पहिली शिफ्ट सकाळी 9 ते दुपारी 12 पर्यंत असेल. तर दुसरी शिफ्ट दुपारी ३ ते सायंकाळी ६ या वेळेत चालणार आहे. परीक्षेला बसणारे उमेदवार https://ugcnet.nta.ac.in/ या अधिकृत वेबसाइटला भेट देऊन वेळापत्रक तपासू शकतात.

असे आहे वेळापत्रक

* 3 जानेवारी 2025 रोजी पहिल्या शिफ्टमध्ये सार्वजनिक प्रशासन आणि दुसऱ्या शिफ्टमध्ये अर्थशास्त्र.

* 6 जानेवारी 2025 रोजी कॉम्प्युटर सायन्स, बंगाली, चायनीज, राजस्थानी आणि इतर विषयांच्या परीक्षा घेतल्या जातील. त्याचबरोबर राज्यशास्त्रासह इतर विषयांच्या परीक्षा दुसऱ्या शिफ्टमध्ये होणार आहेत.
* 7 जानेवारी 2025 रोजी दुसऱ्या शिफ्टमध्ये वाणिज्य, हिंदी, कन्नड आणि इंग्रजी, सामाजिक कार्य यासह इतर विषयांच्या परीक्षा होतील.
* गृहविज्ञान आणि संगीत विषयांची परीक्षा ८ जानेवारी २०२५ रोजी घेण्यात येणार आहे.

नॅशनल टेस्टिंग एजन्सीने परीक्षेसाठी परीक्षा सिटी स्लिप जारी करण्याच्या तारखेबद्दल देखील माहिती दिली आहे. एजन्सीने म्हटले आहे की परीक्षेसाठी परीक्षेचे शहर तपशील परीक्षेच्या फक्त आठ दिवस आधी जाहीर केले जातील. या आधारावर 3 जानेवारी 2025 पासून परीक्षा सुरू होणार असेल तर ती 27 डिसेंबर 2024 पर्यंत सिटी स्लिप जाहीर केली जाईल.