NEET PG समुपदेशनासाठी चॉइस फिलिंग प्रक्रिया आजपासून
NEET PG राऊंड-1 साठी जागा वाटप जाहीर झाल्यानंतर, उमेदवारांना कागदपत्र पडताळणी प्रक्रियेसाठी त्यांच्या संबंधित महाविद्यालयांना कळवावे लागेल. जे उमेदवार शेवटच्या तारखेपूर्वी जागा स्वीकारणार नाहीत त्यांना नंतरच्या समुपदेशन फेरीतून थेट अपात्र ठरवले जाईल.
eduvarta@gmail.com 
एज्युवार्ता न्यूज नेटवर्क
नॅशनल एलिजिबिलिटी कम एन्ट्रन्स टेस्ट पोस्ट ग्रॅज्युएट (National Eligibility cum Entrance Test Post Graduate) NEET PG 2024 साठीचे चॉइस फिलिंग (Choice filling) प्रक्रिया आजपासून सुरू होत आहे. (Starting today) ज्या उमेदवारांनी समुपदेशन प्रक्रियेसाठी अर्ज केला आहे ते mcc.nic.in या अधिकृत वेबसाइटवर जाऊन पर्याय भरू शकतात. 8 नोव्हेंबर ते 17 नोव्हेंबर रात्री 11:55 पर्यंत उमेदवार त्यांचे निवडलेले पर्याय भरून ते लॉक करू शकतात.
NEET PG राऊंड-1 साठी जागा वाटप जाहीर झाल्यानंतर, उमेदवारांना कागदपत्र पडताळणी प्रक्रियेसाठी त्यांच्या संबंधित महाविद्यालयांना कळवावे लागेल. प्रवेशासाठी विद्यार्थ्यांनी सर्व मूळ प्रमाणपत्रे आणि इतर कागदपत्रे सोबत बाळगणे आवश्यक आहे. जे उमेदवार शेवटच्या तारखेपूर्वी जागा स्वीकारणार नाहीत त्यांना नंतरच्या समुपदेशन फेरीतून थेट अपात्र ठरवले जाईल.
ऑल इंडिया कोटा AIQ, डीम्ड आणि केंद्रीय विद्यापीठांसाठी समुपदेशन 4 डिसेंबर ते 12 डिसेंबर 2024 या कालावधीत होईल. यामध्ये सामील होण्याची अंतिम तारीख 20 डिसेंबर 2024 आहे. तसेच MCC द्वारे प्रदान केलेल्या समुपदेशनाव्यतिरिक्त, राज्ये राज्यस्तरीय जागांसाठी त्यांचे स्वतःचे समुदेशनाची फेरी स्वतंत्रपणे आयोजित करतील.
