नीट परीक्षेचा पेपर सोपा; कट ऑफ वाढणार, प्रवेशाच्या जागा वाढल्या
दरवर्षी प्रवेशासाठी परदेशात जातात. परंतु, इराण, इस्राईल अमेरिका यांच्यातील युद्धामुळे जगभरात निर्माण झालेली परिस्थिती विचारात घेऊन फार कमी विद्यार्थी मेडिकल प्रवेशासाठी परदेशात जाण्याचा विचार करतील .
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सीतर्फे घेतली जाणारी नीट परीक्षा रविवारी ३ मे रोजी सुरळीतपणे पार पडली. गेल्या वर्षाच्या तुलनेत यंदा नीट परीक्षेचा पेपर सोपा होता. त्यामुळे यावर्षी मेडिकल प्रवेशाचा कट ऑफ वाढणार आहे. परिणामी यंदा विद्यार्थ्यांमध्ये प्रवेशासाठी अधिक स्पर्धा निर्माण झाल्याचे दिसून येईल.
यावर्षी नीट परीक्षेसाठी सुमारे 22 लाख 79 हजार विद्यार्थ्यांनी परीक्षेसाठी नोंदणी केली होती. त्यात विद्यार्थिनींची संख्या 13,32,928 एवढी होती. तर विद्यार्थ्यांची संख्या 9 लाख 46 हजार 815 एवढी होती. नीट परीक्षेच्या माध्यमातून विद्यार्थ्यांना एमबीबीएस, बीडीएस, आयुष अभ्यासक्रमाच्या बीएएमएस, बीएचएमएस तसेच नर्सिंग अभ्यासक्रमासाठी प्रवेश मिळणार आहेत.
देशभरातील विविध परीक्षा केंद्रांवर एमसीक्यू पद्धतीची नीट परीक्षा आयोजित करण्यात आली होती. एकूण 720 गुणांची ही परीक्षा घेण्यात आली. एनटीए तर्फे पुढील काही दिवसात नीट परीक्षेचे अन्सर की प्रसिद्ध केली जाईल.
महाराष्ट्रात मेडिकल कॉलेजची संख्या वाढल्यामुळे सुमारे 1000 जागा वाढल्या आहेत. त्यामुळे अधिकाधिक विद्यार्थ्यांना प्रवेश घेण्याची संधी उपलब्ध झाली आहे. परंतु दरवर्षी प्रवेशासाठी परदेशात जातात. परंतु, इराण, इस्राईल अमेरिका यांच्यातील युद्धामुळे जगभरात निर्माण झालेली परिस्थिती विचारात घेऊन फार कमी विद्यार्थी मेडिकल प्रवेशासाठी परदेशात जाण्याचा विचार करतील . त्यामुळे यंदा व्यवस्थापन कोट्यातील जागा सुद्धा लवकर भरतील,अशी शक्यता आहे.
--------------
गेल्या वर्षाच्या तुलनेत निश्चितच यावर्षी नीट परीक्षेचा पेपर सोपा होता. 2023 मध्ये सुमारे एक लाख विद्यार्थ्यांना 500 पेक्षा अधिक गुण होते. 2024 मध्ये 500 पेक्षा अधिक गुण असणाऱ्या विद्यार्थ्यांची संख्या सुमारे दोन लाख एवढी होती. मात्र 2025 मध्ये ही संख्या चाळीस हजार एवढी होती. यावर्षी पेपर काहीसा सोपा असल्यामुळे 500 पेक्षा अधिक गुण असणाऱ्या विद्यार्थ्यांची संख्या 50 ते 60 हजारांवर जाऊ शकते. त्यामुळे निश्चितच नेट परीक्षेचा कट ऑफ वाढलेला दिसून येईल. त्यामुळे प्रवेश प्रक्रियेत स्पर्धा निर्माण होईल.
- दुर्गेश मंगेशकर, संचालक, IITPK, पुणे
---------------------------------------------
यंदा नीट परीक्षेचा पेपर सोपा होता. विद्यार्थ्यांना यावर्षी चांगले गुण मिळतील. अनेक विद्यार्थ्यांना 715 पेक्षा अधिक गुण मिळण्याचे दिसून येईल. पेपर सोपा असल्याने कट ऑफ वाढलेला दिसेल. परिणामी प्रवेश प्रक्रियेत स्पर्धा वाढेल.
- हरीश बुटले, संस्थापक सचिव, डिपर, पुणे
-------------
