कुलगुरू डॉ. सुरेश गोसावी यांना २ वर्षे पूर्ण, आव्हाने मात्र कायम
विद्यापीठात असलेले अपुरे मनुष्यबळ हे बदल घडवण्यात महत्त्वाची समस्या असल्याचे अनेकदा समोर आले आहे. विद्यापीठात एकूण १११ प्राध्यापकांच्या रिक्त जागा असल्याने अभ्यासक्रम पूर्ण करण्यात अनेक अडथळे येत आहेत. या शिवाय विद्यापाठाचे नॅक मुल्यांकन तोंडावर आहे. अशा परिस्थिती प्राध्यापक भरती होणे महत्त्वाचे असणार आहे.
eduvarta@gmail.com 
एज्युवार्ता न्यूज नेटवर्क
SPPU: सावित्रीबाई फुले पुणे विद्यापीठाचे (Savitribai Phule Pune University) कुलगुरू डॉ. सुरेश गोसावी (Vice Chancellor Dr. Suresh Gosavi) यांनी पदभार स्विकारून आज ६ जून रोजी दोन वर्षे पूर्ण झाले (Two years have Complete) आहेत. मात्र, मागील दोन वर्षापूर्वी असलेले आव्हाने आज देखील कायम आहेत. गेल्या दोन वर्षात पुण्यातील खासगी व अभिमत विद्यापीठांच्या तुलनेत पुणे विद्यापीठाची म्हणावी अशी परिस्थिती सुधारली नाही. त्यामुळे पुढील काळात तरी काही सकारात्मक बदल घडतात का ? हे पाहाणं महत्त्वाचे ठरणार आहे.
विद्यापीठात असलेले अपुरे मनुष्यबळ हे बदल घडवण्यात महत्त्वाची समस्या असल्याचे अनेकदा समोर आले आहे. विद्यापीठात एकूण १११ प्राध्यापकांच्या रिक्त जागा असल्याने अभ्यासक्रम पूर्ण करण्यात अनेक अडथळे येत आहेत. या शिवाय विद्यापाठाचे नॅक मुल्यांकन तोंडावर आहे. अशा परिस्थिती प्राध्यापक भरती होणे महत्त्वाचे असणार आहे. मागील दोन वर्षाच्या काळात विद्यार्थी संघटनांनी अनेक समस्या उघडकीस आणल्या आहेत. वसतिगृहात उंदीर, ढेकूण, जेवणातील अस्वच्छता, पाण्याचा तुटवडा या सारख्या किरकोळ गोष्टींपासून विद्यापीठाकडे आलेले प्रकल्प दूर जाणे, वादग्रस्त घटना आणि इतर छोट्या मोठ्या समस्या चव्हाट्यावर आल्यामुळे विद्यापीठ मागील दोन वर्षाच्या काळात अनेकवेळा चर्चेत राहिले.
शिक्षणाच्या बाबतीत बोलायचं झालं तर एनआयएफ रँकींग मध्ये विद्यापीठाची मोठी घसरण पाहायला मिळाली. त्यामुळे वाढत्या स्पर्धेस विद्यापीठाला आपले अढळ स्थान टिकवणे आव्हानात्मक आहे. प्रत्येक आठवड्यात विद्यापीठातील काही ना काही प्रकरण बाहेर येते.ही चिंतेची बाब आहे.
