महानिर्मिती परीक्षेच्या तारखा जाहीर; ‘या’ दिवशी होणार परीक्षा
या भरती परीक्षेचे हॉलतिकीट महानिर्मिती कंपनीच्या www.mahagenco.in या अधिकृत वेबसाईटवर लवकरच प्रसिद्ध करण्यात येईल त्याबाबत स्वतंत्र सूचनाही दिल्या जातील असेही महानिर्मिती कंपनीचे कार्यकारी संचालक डॉ. नितीन वाघ यांनी सांगितले आहे.
eduvarta@gmail.com 
एज्युवार्ता न्यूज नेटवर्क
रसायनशास्त्रज्ञ (Chemist) संवर्गातील विविध पदांच्या ऑनलाईन परीक्षेबाबत (online exam) मोठी बातमी आहे. कनिष्ठ रसायनशास्त्रज्ञ सहाय्यक रसायनशास्त्रज्ञ (Junior Chemist Assistant Chemist) व उप कार्यकारी रसायनशास्त्रज्ञ (Deputy Executive Chemist) या पदांची ऑनलाईन परीक्षा येत्या २९ जून २०२५ रोजी होणार आहे. तर अतिरिक्त कार्यकारी रसायनशास्त्रज्ञ (Additional Executive Chemist) या पदाची ऑनलाईन परीक्षा दिनांक ३० जून २०२५ रोजी घेण्यात येणार आहे.
महाराष्ट्र राज्य वीज निर्मिती कंपनीतर्फे रसायनशास्त्रज्ञ संवर्गातील विविध रिक्त पदे सरळसेवा प्रवेशाद्वारे भरण्यासाठी नुकतीच जाहिरात प्रसिध्द करण्यात आली होती. आता त्यासाठी सदर परीक्षेचे आयोजन करण्यात आले आहे.
दरम्यान, या भरती परीक्षेचे हॉलतिकीट महानिर्मिती कंपनीच्या www.mahagenco.in या अधिकृत वेबसाईटवर लवकरच प्रसिद्ध करण्यात येईल त्याबाबत स्वतंत्र सूचनाही दिल्या जातील असेही महानिर्मिती कंपनीचे कार्यकारी संचालक डॉ. नितीन वाघ यांनी सांगितले आहे.
