रेल्वेत अडीच लाख पदे रिक्त; लवकरच सुरु होणार भरती, केंद्रीय मंत्र्यांची माहिती 

एज्युवार्ता न्यूज नेटवर्क 

भारतीय रेल्वेत (Indian Railway) नोकरी करण्याची इच्छा असणाऱ्या तरुणांसाठी आनंदाची बातमी आहे. रेल्वेत तब्बल अडी लाख रिक्त पदे असून त्यासाठी लवकरच भरती प्रक्रिया राबविण्यात येणार असल्याची माहिती केंद्रीय रेल्वे मंत्री अश्विनी वैष्णव (Ashwini Vaishnav) यांनी दिली आहे. (Railway Recruitment)

वैष्णव यांनी दिलेल्या माहितीनुसार, रेल्वेत २ लाख ४८ हजार ८९५ जागा रिक्त आहेत. सर्वच विभागात सर्वच पदांसाठी भरती प्रक्रिया होणार आहे. सेफ्टी स्टॉफ, असिस्टंट स्टेशन मास्टर, नॉन टेक्निकल पॉप्युलर कॅटेगिरी, तिकीट कलेक्टर अशा पदासाठी लवकरच भरती होईल. त्यासाठी लवकरच रेल्वेने भरतीसाठी तयार केलेल्या संकेतस्थळावर सूचना देण्यात येणार आहे. या पदांना दोन मुख्य गटात विभाजीत करण्यात आले आहे. यामध्ये गॅझेटेड ग्रुप ‘ए’ आणि ‘बी’ पदांचा समावेश आहे. तर नॉन-गॅझिटेड पदांमध्ये ग्रुप ‘सी’ आणि ‘डी’ या पदांचा समावेश आहे. 

शिफारस पत्रांना वाहिली श्रध्दांजली! ९४ मराठा उमेदवार १४ महिन्यांपासून नियुक्तीच्या प्रतिक्षेत

युपीएससीद्वारे आयोजित परीक्षा, सिव्हिल सेवा परीक्षा, इंजिनिअरिंग सेवा परीक्षा आणि इतर परीक्षांच्या माध्यमातून ग्रुप ए मधिल पदांसाठी  भरती प्रक्रिया राबविण्यात  येणार आहे, तर ग्रुप बी मधील  पदांसाठी सेक्शन ऑफिसर्स ग्रेडच्या पदांचा समावेश होतो.

ग्रुप सी मध्ये स्टेशन मास्तर, तिकीट तपासणीस, क्लार्क, कमर्शियल अपरेंटिस, सेफ्टी स्टाफ, ट्रॅफिक अपरेन्टिस आणि विविध इंजिनिअरिंगची पदे (इलेक्ट्रिकल, सिग्नल आणि दूरसंचार, सिव्हिल, मॅकेनिकल) यांचा समावेश होतो. ग्रुप डी मध्ये ट्रॅक-मॅन, हेल्पर, असिस्टेंट पॉईंट्स मॅन, स्वच्छता कामगार, गनमॅन, चपराशी, तसेच अन्य पदांचा समावेश आहे. राज्यसभेत एका प्रश्नाचे उत्तर देताना वैष्णव यांनी भारतीय रेल्वेतील नोकर भरती विषयी माहिती दिली.

शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.

https://chat.whatsapp.com/KjPbd0AYSAKB5Pt2g9yIHo