नीट यूजी प्रवेशपत्र उद्या सकाळी प्रसिद्ध होणार, 'एनटीए'ची माहिती
प्रवेशपत्रे NTA च्या अधिकृत वेबसाइट neet.nta.nic.in वर ऑनलाइन प्रसिद्ध केली जाणार आहेत. सर्व विद्यार्थी त्यांचे लॉगिन तपशील टाकून ते मिळवू शकतील. कोणत्याही विद्यार्थ्याला ऑफलाइन प्रवेशपत्र पाठवले जाणार नसल्याचे सांगण्यात आले आहे.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सी (NTA) नॅशनल एलिजिबिलिटी कम एन्ट्रन्स टेस्ट - अंडरग्रेजुएट (NEET UG 2026) २०२६ साठी अर्ज केलेल्या २२ लाख विद्यार्थ्यांसाठी महत्त्वाची अपडेट समोर आली आहे. उद्या सोमवार दि. २७ एप्रिल रोजी सकाळी १० वाजता नीट-यूजी हॉल तिकीट २०२६ चे डाउनलोड प्रवेशपत्रे (Admit cards will be released tomorrow) करण्यासाठी उपलब्ध करून देण्यात येणार असल्याची माहिती एनटीएने ट्विट (NTA tweeted) करत दिली आहे.
प्रवेशपत्रे NTA च्या अधिकृत वेबसाइट neet.nta.nic.in वर ऑनलाइन प्रसिद्ध केली जाणार आहेत. सर्व विद्यार्थी त्यांचे लॉगिन तपशील टाकून ते मिळवू शकतील. कोणत्याही विद्यार्थ्याला ऑफलाइन प्रवेशपत्र पाठवले जाणार नसल्याचे सांगण्यात आले आहे. विविध माध्यमांवर प्रवेशपत्र प्रसिद्ध आज २६ एप्रिल रोजी जाहीर होणार असल्याच्या बातम्या समोर आल्या होत्या. मात्र, NTA ने ट्विट केले आहे की, प्रवेशपत्रे २७ एप्रिल २०२६ रोजी सकाळी १०:०० वाजता डाउनलोड करण्यासाठी उपलब्ध होतील.
नीट-यूजी परीक्षा राष्ट्रीय चाचणी संस्थेद्वारे (NTA) ३ मे २०२६ रोजी लेखी स्वरूपात घेतली जाईल. ही परीक्षा एकाच दिवशी आणि एकाच सत्रात घेतली जाईल. यावर्षी, नीट-यूजी परीक्षा देशभरातील ५५२ शहरांमध्ये आणि १४ परदेशी केंद्रांवर घेतली जाईल. परीक्षेची वेळ दुपारी २:०० ते सायंकाळी ५:०० पर्यंत असेल.
असे डाउनलोड करा प्रवेशपत्र
विद्यार्थ्यांनी सर्वप्रथम neet.nta.nic.in या अधिकृत वेबसाइटला भेट द्यावी. वेबसाइटच्या होम पेजवर, 'ताज्या बातम्या' खालील प्रवेशपत्र लिंकवर क्लिक करा. यानंतर, विद्यार्थ्यांनी आपला अर्ज क्रमांक आणि जन्मतारीख टाकून लॉग इन करावे. तुमचे प्रवेशपत्र स्क्रीनवर उघडेल, जिथून तुम्ही ते डाउनलोड करून त्याची प्रिंटआउट घेऊ शकता.
