झीरो एरर प्रवेश परीक्षा प्रक्रिया जानेवारीपासून राबवणार - मंत्री धर्मेंद्र प्रधान
राधाकृष्णन पॅनेलने नॅशनल टेस्टिंग एजन्सीमध्ये सुधारणांसाठी एक रोडमॅप तयार केला आहे. या शिफारशी लागू करण्यासाठी राज्य सरकारांचे सहकार्य आवश्यक असेल.
eduvarta@gmail.com 
एज्युवार्ता न्यूज नेटवर्क
केंद्र सरकारने आता झीरो एरर (अडथळा विरहीत) प्रवेश परीक्षेकडे वाटचाल करण्याचा निर्णय घेतला आहे. (The central government has now decided to implement zero-error entrance exams) केंद्रीय शिक्षण मंत्री धर्मेंद्र प्रधान (Union Education Minister Dharmendra Pradhan) यांनी यासंदर्भात महत्त्वपूर्ण घोषणा केली आहे. ते म्हणाले की, "सरकार जानेवारीपासून विविध प्रवेश परीक्षांमध्ये सुधारणा लागू करणार आहे."
धर्मेंद्र प्रधान यांनी राज्य सरकारांना या उपक्रमात सहकार्य करण्याचे आवाहन केले आहे. प्रधान म्हणाले , "राधाकृष्णन पॅनेलने नॅशनल टेस्टिंग एजन्सीमध्ये (NTA) सुधारणांसाठी एक रोडमॅप तयार केला आहे. या शिफारशी लागू करण्यासाठी राज्य सरकारांचे सहकार्य आवश्यक असेल. "उच्च शिक्षण आणि तंत्रशिक्षण या विषयावर आयोजित राष्ट्रीय कार्यशाळेत त्यांनी ही माहिती दिली.
प्रधान म्हणाले, त्यांनी सर्व राज्य सरकारांच्या शिक्षण सचिवांची भेट घेतली असून आगामी प्रवेश परीक्षा सुधारणांसाठी तयार राहण्यास सांगितले आहे. या कार्यशाळेत केंद्र आणि राज्य केंद्र शासित प्रदेशांचे शिक्षण सचिव सहभागी झाले होते. गेल्या वर्षीचे अनुभव लक्षात घेऊन अनेक सुधारणा प्रस्तावित करण्यात आल्याचेही प्रधान म्हणाले.
वैद्यकीय प्रवेश परीक्षा NEET आणि PhD प्रवेश परीक्षा NET मध्ये कथित अनियमिततेमुळे केंद्र सरकारला टीकेला सामोरे जावे लागले होते. हे लक्षात घेऊन, एनटीएद्वारे परीक्षा पारदर्शक, निष्पक्ष आणि सुरळीत पार पाडण्यासाठी केंद्राने जूनमध्ये राधाकृष्णन पॅनेलची स्थापना केली होती. या पॅनेलचे नेतृत्व इस्रोचे माजी प्रमुख के. राधाकृष्णन करत आहेत.
