काळी बाहुली, लिंबू,केस अन् बरंच काही;शाळेत शिक्षिकेवरच जादूटोणा

एज्युवार्ता न्युज नेटवर्क

छत्रपती सांभाजीनगर येथील रोकडिया हनुमान कॉलनीतील विज्ञानवर्धिनी हायस्कूलमध्ये (Vigyanvardhini High School in Rokdia Hanuman Colony) एक धक्कादायक प्रकार समोर आला आहे. दिवाळीच्या सुट्ट्यानंतर शाळेत (school) परतलेल्या मुख्याध्यापकांनी सोमवारी 11 नोव्हेंबर रोजी सकाळी शाळा उघडली अन् भलताच प्रकार पाहायला मिळाला. काळी बाहुली, लिंबू, केस, हळदी-कुंकू अशा विविध गोष्टींचा वापर करून शाळेतील एका शिक्षिकेचे नाव लिहून तू गई.. असा संदेश लिहण्यात आला होता. हे सर्व पाहून मुख्याध्यापक (principle) हादरून गेले होते.

या प्रकरणात क्रांती चौक पोलीस ठाण्यात ज्या शिक्षिकेचे नाव लिहून जादूटोणा (black magic) केला गेला त्या शिक्षिकेने तक्रार दिली असून अज्ञात व्यक्तीकडून आपल्या जीवास धोका असल्याचे म्हटले आहे. पोलिसांनी या प्रकरणी गुन्हा दाखल (Police registered a case) केला असून हा सर्व प्रकार कोणी केला याबाबत शोध सुरू केला आहे.

दरम्यान, 31 ऑक्टोबर ते 2 नोव्हेंबरपर्यंत शाळेला दिवाळीच्या सुट्ट्या लागल्या होत्या. 4 नोव्हेंबर पासून शाळेचे कार्यालय चालू झाले होते. 9 नोव्हेंबरला दुपारी बारा वाजता नेहमीप्रमाणे शाळेचे कार्यालय व शाळा बंद करून मुख्याध्यापक घरी गेले होते. त्यानंतर सोमवारी 11 तारखेला मुख्याध्यापकांनी हे दृश्य पाहिल्यानंतर लगेचच शिक्षकेला कॉल करून माहिती दिली त्यानंतर शिक्षिका व त्यांचे पती शाळेत आले. त्यांनी हे दृश्य पाहिले. कोणीतरी अज्ञात व्यक्तीने माझ्या शरीरास जीवाला धोका व्हावा या उद्देशाने ही कृती केल्याचे शिक्षकाने तक्रारीत म्हटले आहे. अधिक तपास पोलीस निरीक्षक सुनील माने हे करत आहेत.