संगणक टायपिंग परीक्षेच्या वेळापत्रकात बदल,परीक्षा ९ डिसेंबरपासून सुरू होणार

एज्युवार्ता न्यूज नेटवर्क 

महाराष्ट्र राज्य परीक्षा परिषदेतर्फे (Maharashtra State Examination Council) घेण्यात येणारी संगणक टायपिंग परीक्षा (Computer Typing Exam) ९ डिसेंबरपासून सुरू होणार आहे. पुर्वीच्या वेळापत्रकानुसार या परीक्षा येत्या १ डिसेंबर ते १५ डिसेंबर या कालावधीत घेण्यात येणार होत्या. मात्र, आता या वेळापत्रकामध्ये बदल (Change in schedule) करण्यात आला असून या परीक्षा राज्यभर येत्या ९ डिसेंबरपासून घेण्यात येणार आहेत, अशी माहिती परीक्षा परीषदेकडून देण्यात आली आहे. 

संगणक टायपिंक परीक्षा डिसेंबर २०२४ साठी राज्यभरातून सुमारे लाखापेक्षा अधिक विद्यार्थी सहभागी होणार आहेत. परीक्षा परिषदेकडून मॅन्युअल टायपिंग व शार्टहँड परीक्षेसाठीचे वेळापत्रक अद्याप जाहीर करण्यात आलेले नाही. मात्र, या परीक्षा ९ डिसेंबरपासून सुरू होतील असे सांगण्यात आले आहे. त्यामुळे येत्या काही दिवसांत अधिकृत वेळापत्रक प्रसिद्ध केले जाण्याची शक्यता आहे. 

मागील काही वर्षात मॅन्युअल टायपिंग परीक्षा देणाऱ्या विद्यार्थ्यांच्या संख्येत मोठी घट झाली असून, संगणक टायपिंग परीक्षेला बसलेल्या विद्यार्थ्यांची संख्या वाढली आहे. परीक्षेतील गैरप्रकार रोखण्यासाठी परीक्षा परिषदेकडून अनेक बदलही करण्यात आले आहेत. जूनमध्ये घेण्यात आलेल्या टायपिंग, शार्टहँड परीक्षांमध्ये अनेक तांत्रिक अडचणी आल्या होत्या. त्यामुळे वेळापत्रकात बदल केला होता. आता डिसेंबरमध्ये होणाऱ्या परीक्षांमध्ये परिषदेकडून खबरदारी घेतली जाईल, असे महाराष्ट्र राज्य परीक्षा परिषदेकडून सांगण्यात आले.