शिक्षण सहसंचालक व समकक्ष अधिकाऱ्यांची तात्पुरत्या स्वरुपात पदोन्नती 

एज्युवार्ता न्यूज नेटवर्क 

महाराष्ट्र शिक्षण सेवा गट-अ (प्रशासन शाखा) मधील शिक्षण उपसंचालक पदावर कार्यरत असणाऱ्या अधिकाऱ्यांना शासनाने मान्य केलेल्या निवडसूचीनुसार शिक्षण सहसंचालक व समकक्ष, महाराष्ट्र शिक्षण सेवा गट-अ (प्रशासन शाखा) या पदावर सुधारित वेतन संरचनेत ज्येष्ठतेनुसार अटींच्या अधीन राहून तात्पुरत्या स्वरुपात पदोन्नती (Promotion on a temporary basis) देण्याचा निर्णय शासनाने (Government decision published) घेतला आहे. 

सुधाकर माधव तेलंग यांची महाराष्ट्र राज्य माध्यमिक व उच्च माध्यमिक विभागीय शिक्षण मंडळ लातूर विभागीय अध्यक्ष,  डॉ. सुभाष रमेश बोरसे नाशिक विभागीय अध्यक्ष, जेश गोपीनाथ क्षीरसागर कोल्हापूर विभागीय अध्यक्ष,  अर्चना अरविंद कुलकर्णी सहसंचालक, राज्य शैक्षणिक संशोधन व प्रशिक्षण परिषद पुणे, राजेंद्र माणिक अहिरे मुंबई विभागीय अध्यक्ष,  श्रीराम महादू पानझाडे सहसंचालक, माध्यमिक व उच्च माध्यमिक शिक्षण संचालनालय पुणे, अनिल संपतराव साबळे छत्रपती संभाजी नगर  विभागीय अध्यक्ष, रमाकांत महादेव काठमोरे शिक्षण सहसंचालक, प्राथमिक शिक्षण संचालनालय पुणे, शिवलिंग नामदेव पटवे नागपूर विभागीय अध्यक्ष अशा पद्धतीने अधिकाऱ्यांना तात्पुरत्या स्वरुपात पदोन्नती देण्यात आली आहे.  

सादर पदोन्नती ही सर्वोच्च न्यायालयात प्रलंबित आलेल्या विशेष अनुमती याचिकेच्या अंतिम निर्णयास अधिन राहून पदोन्नतीच्या कोट्यातील सर्व रिक्त पदे तात्पुरत्या स्वरुपात भरण्याबाबत शासन निर्णयामध्ये दिलेल्या सूचनानुसार देण्यात आली आहे. सदर पदोन्नती निव्वळ तात्पुरत्या स्वरुपची असल्याने या तात्पुरत्या पदोन्नतीच्या परिणामी निवडसूचीतील अधिकाऱ्यांना नियमितपणाचा व सेवाज्येष्ठतेचा कोणताही हक्क मिळणार नाही.

आयुक्त (शिक्षण) पुणे यांनी संबंधित अधिकाऱ्यांस पदोन्नतीच्या ठिकाणी रुजू होण्याकरीता तात्काळ कार्यमुक्त करण्याची कार्यवाही करावी. तसेच संबंधित अधिकारी यांनी पदोन्नती आदेश निर्गमित झाल्याच्या दिनांकापासून ३० दिवसाच्या आत पदोन्नतीच्या पदावर रुजू व्हावे व संबंधित अधिकारी रुजू झाल्याचा दिनांक शिक्षण आयुक्त  यांनी शासनास कळवावा, असे प्रसिद्धीपत्रकात म्हटले आहे.