न्यायमूर्ती संजीव खन्ना होणार देशाचे ५१ वे सरन्यायाधीश

सरन्यायाधीश म्हणून न्यायमूर्ती खन्ना यांचा कार्यकाळ केवळ सहा महिन्यांचा असेल. सुप्रीम कोर्टाच्या अधिकृत वेबसाइटवर उपलब्ध माहितीनुसार न्या. खन्ना 13 मे 2025 रोजी निवृत्त होत आहेत.

Oct 16, 2024 - 18:34 Updated: Oct 17, 2024 - 10:49

न्यायमूर्ती संजीव खन्ना होणार देशाचे ५१ वे सरन्यायाधीश

एज्युवार्ता न्यूज नेटवर्क

न्यायमूर्ती संजीव खन्ना (Justice Sanjeev Khanna) हे भारताचे ५१ वे सरन्यायाधीश असणार आहेत. (51st Chief Justice of India) CJI धनंजय यशवंत चंद्रचूड यांच्या निवृत्तीनंतर (After the retirement of CJI Dhananjay Yashwant Chandrachud) ते येत्या नोव्हेंबरमध्ये CJI पदाची सूत्रे स्वीकारणार आहेत. सरन्यायाधीश म्हणून न्यायमूर्ती खन्ना यांचा कार्यकाळ केवळ सहा महिन्यांचा असेल. सुप्रीम कोर्टाच्या (Supreme Court) अधिकृत वेबसाइटवर उपलब्ध माहितीनुसार न्या. खन्ना 13 मे 2025 रोजी निवृत्त होत आहेत. त्यामुळे त्यांचा कार्यकाळ केवळ 6 महिन्यांचा असेल.

न्या. खन्ना यांचा जन्म 14 मे 1960 रोजी झाला. त्यांचे वडील न्यायमूर्ती देव राज खन्ना हे देखील दिल्ली उच्च न्यायालयाचे न्यायाधीश म्हणून निवृत्त झाले. तर त्यांच्या आई सरोज खन्ना या दिल्ली विद्यापीठात प्राध्यापिका होत्या. येथूनच त्यांचे शालेय शिक्षण पूर्ण झाले. 1980 मध्ये दिल्ली विद्यापीठातून पदवी घेतली. यानंतर त्यांनी दिल्ली विद्यापीठातून कायद्याच्या अभ्यासक्रमात प्रवेश घेतला.

कायद्याचे शिक्षण पूर्ण केल्यानंतर त्यांनी 1983 मध्ये बार कौन्सिल ऑफ दिल्लीमध्ये वकील म्हणून प्रवेश घेतला. सुरुवातीला दिल्लीच्या तिसहजारी कॅम्पसमध्ये सराव सुरू केला. त्यानंतर त्यांनी दिल्ली उच्च न्यायालयात विविध क्षेत्रांतील न्यायाधिकरणांमध्ये सराव केला. 2005 मध्ये त्यांची दिल्ली उच्च न्यायालयाचे अतिरिक्त न्यायाधीश म्हणून नियुक्ती करण्यात आली. त्यानंतर 2006 मध्ये स्थायी न्यायाधीश करण्यात आले. 2006 ते 2019 या कालावधीत उच्च न्यायालयात न्यायाधीश म्हणून काम केल्यानंतर 18 जानेवारी 2019 रोजी त्यांची सर्वोच्च न्यायालयाचे न्यायाधीश म्हणून पदोन्नती झाली.