सिम्बायोसिस, मुंबई विद्यापीठाचे NIRF रँकिंग वाढले; पुणे विद्यापीठाचे रँकिंग गडगडले
सावित्रीबाई फुले पुणे विद्यापीठ यंदा ओव्हर ऑल रँकिंग मध्ये 91 व्या क्रमांकावर आहे. तर स्टेट युनिव्हर्सिटी रँकिंगमध्ये तिसऱ्या क्रमांकावर असणारे पुणे विद्यापीठ यंदा 11 व्या क्रमांकावर आले आहे. तसेच मुंबई विद्यापीठ 12 व्या क्रमांकावर आहे.
eduvarta@gmail.com 
एज्यवार्ता न्यूज नेटवर्क
नॅशनल इन्स्टिट्यूशनल रँकिंग फ्रेमवर्क अर्थात NIRF रँकिंगमध्ये (NIRF Ranking)पुण्यातील सिम्बायोसिस इंटरनॅशनल युनिव्हर्सिटी (Symbiosis International University)व मुंबईतील होमी भाभा नॅशनल इन्स्टिट्यूटचे (Homi Bhabha National Institute)रँकिंग वाढले आहे. मात्र, गेल्या काही वर्षांपासून एनआयआरएफ रँकिंग मध्ये आपले चांगले स्थान टिकून ठेवणाऱ्या सावित्रीबाई फुले पुणे विद्यापीठाचे रँकिंग (Savitribai Phule Pune University Ranking)मात्र चांगलेच गडगडले आहे. ओव्हरऑल रँकिंगमध्ये मागीलवर्षी 37 व्या क्रमांकावर असणारे सावित्रीबाई फुले पुणे विद्यापीठ यावर्षी 91 क्रमांकापर्यंत गडगडले आहे. या उलट सिंबायोसिस विद्यापीठाचे रँकिंग चांगलेच वाढले आहे.
केंद्रीय शिक्षण मंत्रालयातर्फे गुरुवारी नॅशनल इन्स्टिट्यूशनल रँकिंग फ्रेमवर्क म्हणजेच NIRF रँकिंग जाहीर करण्यात आले. त्यात ओव्हर ऑल रँकिंग मध्ये सिम्बायोसिस यंदा 40 व्या क्रमांकावर आहे. मागील वर्षी सिम्बायोसिस 52 व्या क्रमांकावर होते. डी. वाय.पाटील विद्यापीठ ओरलऑल रँकिंगमध्ये मागील वर्षी 63 क्रमांकावर होते. यंदा डी वाय पाटील विद्यापीठ 71 व्या क्रमांकावर गेले आहे. मागील वर्षी मुंबई विद्यापीठाला पहिल्या शंभर विद्यापीठांच्या यादीत समाविष्ट होत आले. नव्हते. मात्र, यंदा मुंबई विद्यापीठ 92 व्या क्रमांकावर आहे. तर सावित्रीबाई फुले पुणे विद्यापीठ यंदा 91 व्या क्रमांकावर आहे. स्टेट युनिव्हर्सिटी रँकिंगमध्ये पुणे विद्यापीठ तिसऱ्या क्रमांकावरून 11 व्या क्रमांकावर आले आहे तर मुंबई विद्यापीठ 12 व्या क्रमांकावर आहे.
युनिव्हर्सिटी रँकिंग मध्ये मागील वर्षी 31 व्या क्रमांकावर असणारे किंबहुएसिड सिंबायोसिस यंदा 24 व्या क्रमांकावर आले आहे तर डी. वाय.पाटील विद्यापीठाने 44 व्या क्रमांकावरून 41 व्या क्रमांकापर्यंत झेप घेतले आहे त्याचप्रमाणे मुंबई विद्यापीठ 61 व्या क्रमांकावर 54 व्या क्रमांकावर आले आहे.तर सावित्रीबाई फुले पुणे विद्यापीठ 23व्या क्रमांकावरून 56 व्या क्रमांकापर्यंत खाली घसरले आहे.
मुंबईतील होमी भाभा नॅशनल इन्स्टिट्यूट ओरल रँकिंग मध्ये मागील वर्षाच्या तुलनेत वर आले आहे. 2024 मध्ये होमी भाभा इन्स्टिट्यूट 27व्या क्रमांकावर होते तर 2025 मध्ये ते 20 क्रमांकावर सरकले आहे. त्याचप्रमाणे युनिव्हर्सिटी रँकिंगमध्ये होमी भाभा इन्स्टिट्यूट मागील वर्षी 16 व्या क्रमांकावर होते, ते आता 12 व्या क्रमांक पर्यंत वर आले आहे.
