नंदुरबारमध्ये 56 विद्यार्थ्यांना घेऊन जाणारी स्कूल बस कोसळली 150 फूट खोल दरीत; दोघांचा मृत्यू

एज्युवार्ता न्यूज नेटवर्क 

नंदुरबार जिल्ह्यात स्कूल बसचा (School buses in Nandurbar district)मोठा अपघात झाला असून एकूण 56 विद्यार्थ्यांना घेऊन जाणारी स्कूल बस 150 फूट खोल दरीत कोसळली (School bus falls into 150-foot deep ravine)आहे. त्यात दोन निष्पाप विद्यार्थ्यांचा जीव गेला असून 18 विद्यार्थी गंभीर जखमी आहेत. जखमी विद्यार्थ्यांना रुग्णालयात दाखल करण्यात आले असून त्यांच्यावर उपचार सुरू आहे. त्यातील दोन विद्यार्थ्यांची प्रकृती चिंताजनक (The condition of two students is critical)आहे. या घटनेमुळे परिसरात एकच खळबळ उडाली असून पालकांनी आक्रोश फोडला आहे. 

गडचिरोली जिल्ह्यातील अक्कलकुवा तालुक्यातील मोलगी परिसरातील विविध गावातील विद्यार्थी चाळीसगाव तालुक्यातील मेहुनबारे येथील अनुदानित आदिवासी आश्रम शाळेत शिक्षण घेतात. या विद्यार्थ्यांना एकाच बसमध्ये कोंबून शाळेत आणले जाते. अक्कलकुवा दरम्यान असलेल्या अमलीबारी घाटात दीडशे फूट खोल दरीत ही बस कोसळली. यावेळी बसमध्ये एका शिक्षकासह 56 जण असल्याची माहिती समोर आली आहे. 

या अपघातामध्ये जगदीश बहादुरसिंग वळवी (वय 7वर्ष. रा. निंबीपाडा) आणि कपिला जहांगीर राऊत (वय13 वर्ष, रा.काठी) या दोन विद्यार्थ्यांचा मृत्यू झाला आहे. तर जयश्री केशव वसावे,अत्तर वसावे, रीना वसावे, अर्जुन वसावे, अनमोल वसावे, उर्मिला तडवी, शिल्पा वळवी, आर्या वळवी, अजित वळवी, संदीप वळवी, अथर्व तडवी, माया वसावे, सोनी वळवी, हिना वळवी, रसिला वसावे, सचिन चौधरी, यशवंता वळवी, करीना वळवी, संदीप तडवी, रुषा वळवी हे विद्यार्थी जखमी झाले आहेत. वाहतुकीच्या नियमांचे उल्लंघन करून खाजगी शिक्षण संस्थाचालक विद्यार्थ्यांना वाहनात कोंबून शाळेमध्ये नियम करत असल्यामुळे या अपघातात निष्पाप विद्यार्थ्यांचा बळी गेला असल्याचा आरोप पालक करत आहेत.