पुण्यातील डेक्कन कॉलेजमध्ये पार पडणार आरएसव्हीपीची ७वी राष्ट्रीय परिषद

एज्युवार्ता न्यूज नेटवर्क

डेक्कन कॉलेज पदव्युत्तर आणि संशोधन संस्था (अभिमत विद्यापीठ) पुणे (Deccan College Postgraduate and Research Institute) आणि राष्ट्रीय समाज विज्ञान परिषद, नवी दिल्ली (National Council of Social Sciences, New Delhi) यांच्या सहकार्याने २६ ते २८ एप्रिल २०२५ दरम्यान "भारतीय दृष्टिकोनातून सामाजिक विज्ञान" या विषयावर (On the topic "Social Science from an Indian Perspective") ७ वी वार्षिक राष्ट्रीय परिषद (7th Annual National Conference) डेक्कन कॉलेज हॉल, डेक्कन कॉलेज ग्राउंड येथे आयोजित करण्यात येणार आहे अशी माहिती प्रा.प्रसाद.पी.जोशी (Prof. Prasad. P. Joshi) यांनी पत्रकार परिषेदेत दिली.  

भारताच्या कालातीत तत्वज्ञान, मूल्ये आणि ज्ञान प्रणालींना पुनरुज्जीवित करणे तसेच विद्वान, शिक्षक आणि संशोधकांना एकत्र आणणे हे या कार्यक्रमाचे मुख्य उद्दिष्ट आहे. ही राष्ट्रीय परिषद अध्यात्म, समावेशकता आणि सुसंवादावर आधारित असणार आहे. या राष्ट्रीय परिषदेचा मुख्य उद्देश भारतीय परंपरा, कथा आणि आवाज प्रतिबिंबित करण्यासाठी काळाची गरज असलेल्या शैक्षणिक दृष्टिकोन आणि संशोधन पद्धतींचे पुनर्लेखन आहे.  

२६ एप्रिल २०२५ उद्घाटन प्रसंगी राज्याचे उच्च आणि तंत्रशिक्षण मंत्री चंद्रकांत पाटील, प्रा ओडिशा, कोरापूट येथील केंद्रीय विद्यापीठाचे कुलगुरू पी.व्ही.के.भट्ट, दिल्ली विद्यापीठातील अर्थशास्त्र विभागाचे माजी प्राध्यापक राजकुमार भाटिया, ICSSR चे सदस्य सचिव डॉ. धनंजय सिंह, MIT ADT विद्यापीठ पुण्याचे कार्यकारी अध्यक्ष प्रा. मंगेश कराड, अटलबिहारी वाजपेयी विद्यापीठ बिलासपूर सी.जीचे कुलगुरू आणि राष्ट्रीय समाज विज्ञान परिषदेचे अध्यक्ष प्रा.ए.डी.एन.बाजपेयी, DCPRI कुलगुरू (ए) आणि आयोजन समितीचे अध्यक्ष प्रा.प्रसाद.पी.जोशी, स्वागत समितीचे सदस्य राजेश पांडे, डीसीपीआरआय पुणेच्या निबंधक अनिता सोनवणे यांच्यासह इतर मान्यवर उपस्थित राहणार आहे.   

या परिषदेच्या दरम्यान विविध कार्यक्रमाचे आयोजन करण्यात आले असून त्यामध्ये भाषा आणि लिंगभेद अशा प्रामुख्याने दोन विषयांवर पॅनेल चर्चा, मार्गदर्शनपर व्याख्यान, सांस्कृतिक कार्यक्रम असे विविध कार्यक्रम असणार आहे. तर यावेळी विविध क्षेत्रातील १७८ संशोधक आपले रिसर्च पेपर सादर करणार आहेत.