धक्कादायक! मुंबईत शाळकरी मुलाची तीन मित्रांकडून हत्या, मृतदेह फेकला तलावात 

एज्युवार्ता न्यूज नेटवर्क

मुंबईतील भांडुप परिसरातून धक्कादायक घटना समोर आली आहे. इयत्ता आठवीच्या वर्गात शिक्षण (Eighth grade students) घेत असलेल्या मुलाची त्याच्याच वर्गातील तीन मित्रांनीच हत्या (Murdered by three friends) आहे. हत्या केल्यानंतर पुरावा सापडू नये म्हणून मृतदेह तलावात फेकून दिला. सिद्धार्थ लोंढे  (Siddharth Londhe student dies) (वय वर्षे १४) असे या मृत मुलाचे नाव असून याप्रकरणी तीन शाळकरी अल्पवयीन मुलांना ताब्यात घेण्यात आले आहे. शवविच्छेदन अहवाला (Autopsy report)मुळे हत्येचे बिंग फुटले.

भांडुप पोलिसांनी दिलेल्या माहितीनुसार, तुळशेत पाडा परिसरात सिद्धार्थ वास्तव्यास होता. शाळा सुटल्यानंतर तो दुपारी तीनच्या सुमारास खेळायला जातो सांगून घराबाहेर पडला. रात्री उशिरापर्यंत सिद्धार्थ घरी न आल्याने पालकांनी त्याची शोधाशोध सुरू केली. मात्र, कुठेच न सापडल्याने अखेर पालकांनी भांडुप पोलिस ठाण्यात तक्रार केली. पोलिसांनी अपहरणाचा गुन्हा दाखल करून शोध सुरू केला. पोलिसांकडून गुन्ह्याचा तपास आणि शोध सुरू असतानाच मुलुंड पोलिसांच्या हद्दीमध्ये विहार तलावाजवळ सिद्धार्थचा मृतदेह सापडला. सिद्धार्थचा शवविच्छेदन अहवालात सिद्धार्थच्या फुफ्फुस आणि पोटात पाणी नसल्याचे नमूद करण्यात आले. त्याचबरोबर डोक्याच्या मागील बाजूस दुखापत आणि अंतर्गत रक्तस्राव झाल्याचेही अहवालात नमूद होते. यावरून पोलिसांनी नव्याने तपास सुरू केला.

सिद्धार्थला त्याच्या एका मित्रासोबत शेवटचे पाहिल्याची माहिती काही प्रत्यक्षदर्शीनी दिली. त्यानुसार या मित्राला ताब्यात घेऊन चौकशी केली असता आम्ही चौघे पोहायला गेलो होतो, त्यावेळेस सिद्धार्थ बुडाल्याचे तो सांगू लागला. इतर दोन मित्रांनीही चौकशीत हेच सांगितले. शवविच्छेदन अहवालानुसार हत्येचा संशय असल्याने पोलिसांनी तिघांची स्वतंत्रपणे चौकशी केली असता अखेर त्यांनी सिद्धार्थला मारून तलावात टाकल्याचे मान्य केले. सिद्धार्थच्या तीन अल्पवयीन मित्रांची रवानगी बालगृहात करण्यात आली आहे.