'टीईटी २०२५ उत्तरसूची'वर २७ डिसेंबरपर्यंत नोंदवता येणार आक्षेप 

एज्युवार्ता न्यूज नेटवर्क 

टीईटी ची परीक्षा दिलेल्या उमेदवारांसाठी महत्त्वाची अपडेट समोर आली आहे. महाराष्ट्र राज्य परीक्षा परीषदेने (Maharashtra State Examination Council) नुकतास टीईटी २०२५ परीक्षेची (TET 2025 Exam) उत्तरसूची प्रसिद्ध (Answer list published) केली आहे. यामध्ये उमेदवारांना काही आक्षेप असल्यास शनिवार दि. २७ डिसेंबरपर्यंत नोंदवता येणार (Objections can be filed until December 27) आहेत. शिक्षक पात्रता परीक्षा-२०२५ च्या पेपर १ आणि पेपर २ बाबत प्रश्नपत्रिकेत कोणत्याही प्रश्नाबाबत किंवा पर्यायी उत्तराबाबत त्रुटी, आक्षेप असल्यास उमेदवारांनी ते दिलेल्या मुदतीमध्ये नोंदवावे, असे आवाहन महाराष्ट्र राज्य परीक्षा परिषदेने केले आहे.

हेही वाचा - सर्वात तरुण उच्चशिक्षित नगराध्यक्ष म्हणून सौरभ तायडेची निवड

राज्य परीक्षा परिषदेमार्फत मागील महिन्यात २३ नोव्हेंबर रोजी शिक्षक पात्रता परीक्षा घेण्यात आली होती. त्यानंतर आता या परीक्षेची अंतरिम (तात्पुरती) उत्तरसूची राज्य परीक्षा परिषदेच्या या https://mahatet.in अधिकृत संकेतस्थळावर प्रसिद्ध करण्यात आली आहे. उमेदवारांनी संकेतस्थळावर जाऊन उत्तरसूची तपासावी, याशिवाय काही आक्षेप असल्यास ते नोंदवावेत. 

उमेदवारांना प्रसिद्ध करण्यात आलेल्या उत्तरसूची मध्ये काही आक्षेप असल्यास आणि त्रुटी आढळल्यास पुराव्यासह https://mahatet.in या संकेतस्थळावर परिषदेकडे पाठवता येतील. लेखी निवेदन समक्ष टपालाने/ईमेलद्वारे पाठविल्यास त्याचा विचार केला जाणार नाही. विहित मुदतीत ऑनलाइनरित्या प्राप्त आक्षेपाचा विचार करून विषय तज्ज्ञांच्या अभिप्रायानुसार अंतिम उत्तरसूची यथावकाश प्रसिद्ध करण्यात येईल, याची उमेदवारांनी नोंद घ्यावी, असे आवाहन आयुक्त अनुराधा ओक यांनी केले आहे.