माजी आमदाराने आश्रम शाळेतील अनेक विद्यार्थिनींची अब्रू लुटली; गायकवाडांचे गंभीर आरोप
आपल्या वादग्रस्त वक्तव्याने राज्याला परिचित असलेल्या संजय गायकवाड यांनी पुन्हा एकदा वादग्रसत् वक्तव्याने खळबळ उडवून दिली आहे. माजी आमदार विजयराज शिंदे यांनी आश्रमशाळेतील अनेक महिला आणि विद्यार्थिनींची अब्रू लुटली.
eduvarta@gmail.com 
एज्युवार्ता न्यूज नेटवर्क
बुलढाणा जिल्ह्याच्या (Buldhana District News) राजकारणात शिंदे गटाचे आमदार संजय गायकवाड (Sanjay Gaikwad) यांच्या एका वक्तव्याने खळबळ उडाली आहे. भाजपचे जिल्हाध्यक्ष माजी आमदार विजयराज शिंदे (Vijayraj Shinde) यांच्यावर गंभीर स्वरूपाचे आरोप केले आहेत. "विजयराज शिंदे हा दुसरा खरात आहे. त्याने आश्रम शाळेवरील अनेक विद्यार्थिनींची इज्जत लुटली (Female students were molested) आहे," असा गंभीर आरोप गायकवाड यांनी केला आहे. त्यांच्या या आरोपामुळे बुलढाणा जिल्ह्याच्या राजकारणात मोठी खळबळ उडाली असून या आश्रम शाळेतील पीडित मुली कोण आहेत? असा प्रश्न उपस्थित झाला आहे.
संजय गायकवाड यांच्याकडून हा आरोप होताच माजी आमदार विजयराज शिंदे यांनी पोलीस ठाण्यात धाव घेतली आहे. आश्रम शाळेत राहणाऱ्या आदिवासी विद्यार्थिनींची आणि मागासवर्गीय महिलांच्या बाबत खोटे आणि गंभीर आरोप केल्याने गायकवाड विरोधात ॲट्रॉसिटी कायद्यांतर्गत गुन्हे दाखल करण्याची मागणी त्यांनी तक्रारीतून केली आहे. सोबतच पंधरा दिवसाच्या आत गायकवाड यांनी आदिवासी विद्यार्थिनी, मागासवर्गीय महिला आणि विजयराज शिंदे यांच्यावर केलेल्या आरोपांची माफी मागितली नाही तर, शंभर कोटीचा दावा ठोकणार असल्याचा इशाराही त्यांनी यावेळी दिलाय.
आपल्या वादग्रस्त वक्तव्याने राज्याला परिचित असलेल्या संजय गायकवाड यांनी पुन्हा एकदा वादग्रसत् वक्तव्याने खळबळ उडवून दिली आहे. माजी आमदार विजयराज शिंदे यांनी आश्रमशाळेतील अनेक महिला आणि विद्यार्थिनींची अब्रू लुटली. तो महराष्ट्रातील दुसरा अशोक खरात आहे, असा गंभीर आरोप गायकवाड यांनी केला आहे. संजय गायकवाड यांच्या आरोपानंतर आता बुलढाण्यातील राजकीय वातावरण ढवळून निघाले आहे.
