धक्कादायक! पुण्यातील खासगी कोचिंग क्लासमध्ये आठवीच्या मुलावर लैंगिक अत्याचार

एज्युवार्ता न्यूज नेटवर्क

पुणे शहराला शिक्षणाचे माहेरघर म्हटले जाते. मात्र, याच शिक्षण क्षेत्रातून एक संतापजनक घटना समोर आली आहे. मार्केट यार्ड परिसरातील एका खाजगी कोचिंग क्लासमध्ये (Private Coaching Class) आठवीतल्या मुलावर लैंगिक अत्याचार (Sexual Assault on a Student) झाल्याचे उघड झाले आहे. याप्रकरणी पुणे पोलिसांनी कोचिंग क्लासमधील ऑफिस बॉयला अटक (Office Boy Arrested) केली आहे. लैंगिक अत्याचार केल्यानंतर आरोपीने मुलाचे खाजगी फोटोही काढले असल्याचे समोर आले आहे. या प्रकरणी पॉक्सो अंतर्गत गुन्हा (Offence under POCSO) दाखल करण्यात आला आहे. 

नराधम आरोपीचे नाव विकास गायकवाड (३५ वर्ष) असून तो इथे ऑफिस बॉय म्हणून कार्यरत होता. पीडित मुलगा मार्केट यार्ड परिसरातील याच कोचिंग क्लासमध्ये शिक्षण घेत होता. मागील दोन ते तीन वर्षांपासून तो या कोचिंग क्लासमध्ये रोज ये-जा करायचा. मात्र, मागील काही दिवसांपासून ऑफिस बॉय या आठवीत शिक्षण घेत असलेल्या मुलाला स्टोअर रूममध्ये घेऊन जात अश्लील कृत्य करायचा. अनैसर्गिक स्पर्श करायला सुरुवात करायचा. मुलाच्या प्रायव्हेट पार्टचे ऑफिस बॉयने फोटो देखील काढले असल्याचे सांगण्यात आले आहे. हा सगळा प्रकार घडल्यानंतर आठवीतला मुलगा घरी जाऊन आई-वडिलांजवळ रडू लागला. त्याने क्लासला जायला नकार दिला. यामुळे वडिलांनी सगळी शहानिशा केली आणि क्लासमध्ये येऊन विचारपूस केली. तेव्हा घडलेला सगळा प्रकार पालकांच्या समोर आला.

कुटुंबीयांना घटनेची माहिती मिळताच त्यांची मार्केट यार्ड पोलीस ठाणे गाठले आणि ऑफिस बॉय विरोधात गुन्हा दाखल केला. पोलिसांनी घटनेचे गांभीर्य ओळखून तपासाची चक्रे फिरवली आणि आरोपीला काही तासांच्या आता गडाआड केले. त्यानंतर आरोपीवर पॉक्सो कायद्यांतर्गत गंभीर गुन्हा दाखल केला आहे. आरोपीने अशा प्रकारचे कृत्य यापूर्वी इतर कोणासोबत केले आहे का, याचाही पोलिस तपास सुरू आहे. या घटनेनंतर संबंधित कोचिंग क्लासच्या व्यवस्थापनावरही प्रश्नचिन्ह उपस्थित होत असून पालकांमध्ये भीतीचे वातावरण निर्माण झाले आहे.