भारतीय तटरक्षक दल भरती २०२५ : आता ‘या’ तारखेपर्यंत करा अर्ज
भारतीय तटरक्षक दल ही भरती कोस्ट गार्ड नोंदणीकृत कर्मचारी चाचणीद्वारे (CGEPT) करत आहे. या भारती प्रक्रियेत नाविक (जनरल ड्युटी-GD) या पदासाठी २६० रिक्त जागा, नाविक (डोमेस्टिक ब्रांच- DB) पदासाठी ४० जागा रिक्त आहेत.
eduvarta@gmail.com 
एज्युवार्ता न्यूज नेटवर्क
भारतीय तटरक्षक दल (ICG) नाविक (GD) आणि नाविक (DB) पदांसाठी अर्ज करण्याची संधी हुकलेल्यांना आता आणखी एक संधी मिळणार आहे. त्यानुसार, अर्ज करण्याची अंतिम मुदत वाढवण्यात आली (Deadline has been extended) असून इच्छुक अर्जदार आता अधिकृत वेबसाइटला भेट देऊन ३ मार्चपर्यंत त्यांचे फॉर्म सादर करू शकतात. या भरती मोहिमेअंतर्गत एकूण ३०० रिक्त पदे भरली जाणार आहेत.
भारतीय तटरक्षक दल ही भरती कोस्ट गार्ड नोंदणीकृत कर्मचारी चाचणीद्वारे (CGEPT) करत आहे. या भारती प्रक्रियेत नाविक (जनरल ड्युटी-GD) या पदासाठी २६० रिक्त जागा, नाविक (डोमेस्टिक ब्रांच- DB) पदासाठी ४० जागा रिक्त आहेत.
‘या’ पदासाठीचा पात्रता निकष
नाविक (GD) या पदासाठी अर्ज करणाऱ्या उमेदवारांनी भौतिकशास्त्र आणि गणित अनिवार्य विषयांसह १२ वी उत्तीर्ण केलेली असावी. तर नाविक (DB) या पदासाठी अर्ज करणाऱ्या उमेदवारांनी मान्यताप्राप्त मंडळातून १० वी उत्तीर्ण केलेली असावी. विशेष म्हणजे, या भरती प्रक्रियेसाठी केवळ पुरुष उमेदवार अर्ज करण्यास पात्र असणार आहेत. यासाठी किमान वय १८ वर्षे तर कमाल वय २२ वर्षे असणे आवश्यक आहे.
दरम्यान, लेखी परीक्षा, शारीरिक तंदुरुस्ती चाचणी (पीएफटी), कागदपत्र पडताळणी, वैद्यकीय परीक्षा अशी निवड प्रक्रिया असणार आहे. यासाठी सामान्य/ओबीसी/ईडब्ल्यूएस प्रवर्गासाठी अर्ज शुल्क ३०० रुपये असणार आहे. तर एससी/एसटी प्रवर्गासाठी कोणतेही शुल्क नाही.
