CUET UG निकालावर आक्षेप असल्यास 24 तासात नोंदवा हरकती
औपचारिक घोषणेसह नॅशनल टेस्टिंग एजन्सी (NTA) ने परीक्षेत बसलेल्या 11.13 लाख विद्यार्थ्यांची स्कोअर कार्डे जारी केली आहेत.
eduvarta@gmail.com 
एज्युवार्ता न्यूज नेटवर्क
अंडरग्रेजुएट (CUET UG) 2024 चा निकाल अखेरीस जाहीर करण्यात आला आहे.औपचारिक घोषणेसह नॅशनल टेस्टिंग एजन्सी (NTA) ने परीक्षेत बसलेल्या 11.13 लाख विद्यार्थ्यांची स्कोअर कार्डे जारी केली आहेत, जी उमेदवार या परीक्षेच्या अधिकृत पोर्टल, exams.nta.ac.in/CUET-UG वर किंवा याद्वारे तपासू शकतात.
NTA ने CUET UG 2024 च्या निकालाच्या घोषणेनंतर विद्यार्थ्यांना जारी केलेल्या गुणांबाबत आक्षेप देखील मागवले आहेत.
कोणत्याही विद्यार्थ्याला गुणांबाबत काही आक्षेप असल्यास तो ऑनलाइन नोंदणी करू शकतो. यासाठी परीक्षा पोर्टलवर जाऊन लॉग इन करावे लागेल, त्यानंतर उमेदवारांना त्यांचे आक्षेप नोंदवता येतील. तथापि, विद्यार्थ्यांनी हे लक्षात घ्यावे की NTA ने तक्रार दाखल करण्यासाठी फक्त 24 तासांची मुदत दिली आहे. ही मुदत आज 29 जुलै रोजी संध्याकाळी संपेल.
तर दुसरीकडे, ज्या विद्यार्थ्यांना NTA ने जारी केलेल्या CUET UG 2024 स्कोअरबद्दल कोणताही आक्षेप नाही ते त्यांच्या आवडीच्या विद्यापीठात किंवा महाविद्यालयात प्रवेश घेण्यासाठी संपर्क साधू शकतात. यासाठी विद्यार्थ्यांना संबंधित विद्यापीठ किंवा महाविद्यालयाच्या अधिकृत वेबसाइटवर जाऊन प्रवेशासाठी नोंदणी अर्ज भरावा लागेल. दरम्यान, अनेक विद्यापीठांनी प्रवेशासाठी ऑनलाइन फॉर्म भरण्याची प्रक्रिया यापूर्वीच सुरू केली आहे.
