पुणे ग्रामीण पोलीस भरती, मैदानी चाचणीसाठीचे नवीन वेळापत्रक जाहीर
मैदानी चाचणीचे सुधारित वेळापत्रक जाहीर करण्यात आले असून, २९ जुलै ते ५ ऑगस्ट या कालावधीत घेण्याचे निश्चित करण्यात आले आहे.
eduvarta@gmail.com 
एज्युवार्ता न्यूज नेटवर्क
मागील काही दिवसांपासून राज्यासह पुणे शहरात होणाऱ्या संततधार पावसामुळे पुणे ग्रामीण पोलीस दलात (Pune Rural Police Recruitment) आयोजित करण्यात आलेली मैदानी चाचणी स्थगित करण्यात आली. दरम्यान आता या मैदानी चाचणीचे सुधारित वेळापत्रक जाहीर (Revised schedule of field test announced) करण्यात आले असून २९ जुलै ते ५ ऑगस्ट या कालावधीत घेण्याचे निश्चित (Scheduled to be taken from July 29 to August 5) करण्यात आले आहे. त्यामुळे मागील काही दिवसांपासून प्रतीक्षेत असलेल्या उमेदवारांसाठी ही आनंदाची बातमी म्हणावी लागेल.
पुणे ग्रामीण जिल्हा पोलीस दलातील रिक्त असलेल्या पोलीस शिपाई पदाच्या ४४८ जागांसाठी भरती प्रक्रिया राबविण्यात आली आहे. मैदानी चाचणी ९ ते २७ जुलै या कालावधीत घेण्यात येणार होती. मात्र, संततधार पावसामुळे मैदानी चाचणी स्थगित करण्यात आली. ग्रामीण पोलिसांनी मैदानी चाचणीचे सुधारित वेळापत्रक जाहीर करण्यात आले आहे.
सुधारित वेळापत्रकानूसार उमेदवरांनी आपल्याला महाआयटी विभाग, मुंबई यांचेकडून देण्यात आलेले पूर्वीच्या तारखेचे प्रवेशपत्र घेऊन मैदानी चाचणीसाठी नव्याने देण्यात आलेल्या तारखेस सकाळी पाच वाजता हजर राहावे, असे आवाहन पुणे ग्रामीण पोलीस अधीक्षक पंकज देशमुख यांनी केले आहे.
