कोलकत्ता हत्येच्या निषेधार्थ देशाची वैद्यकीय सेवा 24 तास बंद, IMA चा निर्णय..

एज्युवार्ता न्यूज नेटवर्क

काही दिवसांपुर्वी कोलकत्ता येथील आरजी कार मेडिकल काॅलेजमध्ये (RG Kar Medical College) पोस्ट-ग्रुॅज्युएट (चेस्ट) मेडिसिनच्या विद्यार्थीनीची (Medicine students) ड्युटीवर असताना बलात्कार करून हत्या (Raped and killed while on duty) करण्यात आली. या निषेधार्थ संपुर्ण देशाची नियमित बाह्यरुग्ण तपासणी, शस्त्रक्रियेसह वैद्यकीय सेवा  शनिवार सकाळी ६ ते रविवारी सकाळी ६ या २४ तासांच्या वेळेत बंद ठेवण्याचा (The country's medical services are closed 24 hours a day) निर्णय इंडियन मेडिकल असोसिएशनकडून (Indian Medical Association) घेतला आहे. यामध्ये अत्यावश्यक व आपत्कालीन सेवा सुरळीत ठेवण्यात येणार असल्याची माहिती IMA चे अध्यक्ष डॉ. अनिल देसाई (Dr. Anil Desai) यांनी दिली आहे

याप्रकरणी निवासी डॉक्टरांनी आधीच संप (Doctor Strike) सुरू केला आहे. आता इंडियन मेडिकल असोसिएशनने देशभरात आंदोलन आणि निषेध मोर्चे आयोजित केले आहेत. या गुन्ह्याच्या तपासात काॅलेज प्रशासन आणि पोलिसांचा प्रतिसाद संशयास्पद होता. प्रामाणिकपणे तपास करण्यात ते पुर्णपणे अयशस्वी ठरले असल्याचे डाॅ. देसाई म्हणाले. 

आरजी कार महाविद्यालय प्रशासन व पोलीस यांच्या संगनमताने पुरावे नष्ट करण्याचा प्रयत्न होत असल्याचा आरोप झाल्याने १३ ऑगस्टला कोतकता उच्च न्यायालयाने राज्य पोलिसांना या प्रकरणाची जबाबदारी केंद्रीय तपास यंत्रणा सीपीआय हस्तांकरित करण्याचे आदेश दिले. आरजी कार मेडिकत कॉलेजची मोठ्या प्रमाणात जमावाने तोडफोड केली. त्यानंतर याच जमावाकडून आंदोलन करणाऱ्या वैद्यकीय विद्यार्थ्यांवर हल्ला केला. यावेळी जमावाने गुन्हा झालेली जागेचीही तोडफोड करुन पुरावे नष्ट करण्याचा प्रयत्न केला, असल्याचे देसाई म्हणाले. 

हा घटनाक्रम डॉक्टर विशेषतः महिलांच्या हिंसेच्या वाढत्या धोक्याचा आणि वैद्यकीय सुविधांमध्ये सुरक्षेच्या आवश्यकतेचा संकेत देतो. या गुन्ह्यातील पीडितांच्या समर्थनार्थ आणि चालू असलेल्या हिंसाचारविरोधात इंडियन मेडिकल असोसिएशनतर्फे अत्यावश्यक व आपत्कालीन सेवा वगळता नियमित बाह्यरुग्ण तपासणी आणि शस्त्रक्रियेसह वैद्यकीय सेवा उद्या (शानिवारी) पहाटे सहा ते रविवारी दि. १८ रोजी पहाटे सहा वाजेपर्यंत २४ तासांसाठी बंद ठेवण्यात येतील.