CET Cell 2025 : LLB ३ वर्षे आणि LLB ५ वर्षे प्रवेश अर्जासाठी पुन्हा मुदतवाढ
एलएलबी ३ वर्षे व एलएलबी ५ वर्षांच्या सीईटी २०२५ साठी आता अर्ज करण्याची अंतिम तारीख १७ मार्च २०२५ पर्यंत वाढवण्यात आली आहे. उमेदवारांनी अद्याप अर्ज केलेला नाही ते https://cetcell.mahacet.org या अधिकृत वेबसाइटद्वारे अर्ज करू शकतात.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य सामायिक प्रवेश परीक्षा कक्षाने (State Common Entrance Test Cell) एलएलबी सीईटी २०२५ साठी (LLB CET 2025) नोंदणीची (Registration) तारीख पुन्हा वाढवली आहे. एलएलबी ३ वर्षे व एलएलबी ५ वर्षांच्या सीईटी २०२५ साठी आता अर्ज करण्याची अंतिम तारीख (Application deadline) १७ मार्च २०२५ पर्यंत वाढवण्यात आली आहे. ज्या उमेदवारांनी अद्याप अर्ज केलेला नाही ते https://cetcell.mahacet.org या अधिकृत वेबसाइटवर जाऊन अर्ज प्रक्रिया पूर्ण करू शकतात.
राज्य सीईटी सेल कार्यालयाला उमेदवार आणि पालकांकडून एलएलबी अभ्यासक्रमासाठी सीईटी २०२५ च्या फॉर्म भरण्यास मुदतवाढ देण्याबाबत विनंती करण्यात आली होती. त्या पार्श्वभूमीवर उमेदवारांच्या शैक्षणिक हिताचा विचार करून, सीईटी सेलने अभ्यासक्रमासाठी ऑनलाइन नोंदणी आणि अर्ज भरण्यासाठी मुदतवाढ देण्याचा निर्णय घेतला आहे.
एलएलबी सीईटी २०२५ चा अर्ज कसा करण्यासाठी उमेदवारांनी प्रथम एमएएचसीईटीची अधिकृत वेबसाइटला भेट द्यावी. त्यानंतर होम पेजवर उपलब्ध असलेल्या नोंदणी लिंकवर क्लिक करा. एक नवीन पेज उघडेल जिथे उमेदवारांना नोंदणी तपशील प्रविष्ट करावे लागतील. त्यानंतर सबमिट वर क्लिक करा आणि अकाऊंट लॉग इन करा. एकदा पूर्ण झाल्यावर अर्ज फॉर्म भरल्यानंतर अर्ज शुल्क भरा. सबमिट वर क्लिक करा आणि पेज डाउनलोड करा. पुढील गरजेसाठी त्याची हार्ड कॉपी ठेवा.
